პროკურატურაში ადასტურებენ, რომ ზურაბ ვაზაგაშვილის მკვლელობის საქმეზე ბრალდებულ სპეცრაზმელთა ნაწილი  ბოლო პერიოდში  შსს-ში მუშაობდა

მთავარ პროკურატურაში ადასტურებენ, რომ ზურაბ ვაზაგაშვილის მკვლელობის საქმეზე ბრალდებულ სპეცრაზმელთა ნაწილი ბოლო პერიოდში შინაგან საქმეთა სამინისტროში მუშაობდა.

ამის შესახებ პროკურატურაში გამართულ ბრიფინგზე პროკურორმა, კოკა კაციტაძემ ჟურნალისტების შეკითხვის საპასუხოდ განაცხადა.

მისი თქმით, დაკავებულებიდან რამდენიმე ბოლო პერიოდში შინაგან საქმეთა სამინიტროში მუშაობდა, ნაწილს კი უწყება დატოვებული ჰქონდა.

ამასთან, კაციტაძემ განმარტა, რომ თარიღები, თუ როდის დატოვეს უწყება ბრალდებულებმა, მისთვის უცნობია.

ჟურნალისტების შეკითხვაზე, იგეგმება თუ არა ვაზაგაშვილის საქმზე მიმდინარე გამოძიების ფარგლებში სხვა პირთა დაკავება, კაციტაძემ აღნიშნა, რომ ამ ეტაპზე ეს არ იგეგმება, თუმცა გამოძიება კვლავ გრძელდება.

პროკურატურამ ე.წ. კორეტებთან ჩატარებული სპეცოპერაციის დროს მოკლული ზურაბ ვაზაგაშვილის და ალექსანდრე ხუბულოვის საქმე გახსნილად გამოაცხადა. მთავარმა პროკურატურამ აღნიშნულ საქმეზე ირაკლი ფირცხალავასა და კიდევ 10 პირის დაკავება დაადასტურა. როგორც საგამოძიებო უწყებაში განმარტავენ, საქმეზე გრძელდება გამოძიება, საქართველოს სსკ-ის 109-ე მუხლის "ა", "ზ" და "თ" ქვეპუნქტებით, 369-ე მუხლის მესამე ნაწილით და 147-ე მუხლის პირველი ნაწილით, რაც სასჯელის სახედ და ზომად თავისუფლების 10-დან 20 წლამდე ან უვადო თავისუფლების აღკვეთას ითვალისწინებს.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა