თეა წულუკიანი - მევალება სტრასბურგის სასამართლოში ვთქვა, რომ ზურაბ ვაზაგაშვილის საქმეში არ დარღვეულა სიცოცხლის უფლება

იუსტიციის მინისტრი თეა წულუკიანი მიიჩნევს, რომ ზაურაბ ვაზაგაშვილის საქმესთან დაკავშირებით მოსამართლის მიერ მიღებული გადაწყვეტილება სწორია. ამის შესახებ თეა წულუკიანმა "ტელეიმედის" გადაცემა "რეაქციაში" სტუმრობისას, ჟურნალისტის იმ შეკითხვის პასუხად განაცხადა, რომელიც ვაზაგაშვილის საქმესთან დაკავშირებით, სპეცრაზმელებისთვის წინასწარი პატიმრობის შეფარდების აუცილებლას შეეხებოდა.

"ჩემგან არ იქნება სწორი მოსამართლეს შევუფასო, თუ როგორ გადაწყვიტა ესა თუ ის საკითხი. მე ვთვლი, რომ პროკურატურის შუამდგომლობა იყო სწორი, როდესაც მან მოითხოვა ირაკლი ფრიცხალავასთვის წინასწარი პატიმრობა, რადგან მე ვფიქრობ, რომ ეს ადამიანი გარეთ რომ ყოფილიყო, ის გახსნილ საქმეზე სავარაუდოდ ყველა ღონეს იღონებდა, რათა ან დამუქრებოდა რომელიმე მოწმეს ან მტკიცებულებები გაენადგურებინა. სწორედ ამ ნიშნით ხდება შუამდგომლობის შედგენა, რომ საქმეზე ბრალდებული არ უშლიდეს საქმის მომავალ გამოძიებს ხელს. სწორედ ამიტომ ხდება მისი ლოკალიზება საპატიმროში. როგორც ჩანს მოსამართლემ ეს გაიზიარა", - განაცხადა წულუკიანმა.

მისივე თქმით, ზურაბ ვაზაგაშვილის საქმე უკვე დიდი ხანია სტრასბურგის სასამართლოშია გაგზავნილი. "მე, როგორც იუსტიციის მინისტრი, წარმოვადგენ საქართველოს სტრასბურგის სასამართლოში და მე დღეს რამდენად აბსურდულადაც არ უნდა ჟღერდეს, მევალება დავიცვა სტრასბურგის სასამართლოში ეს საქმე და ვთქვა, რომ ზურაბ ვაზაგაშვილის საქმეში არ დარღვეულა სიცოცხლის უფლება. ეს არის აბსურდი", - განაცხადა წულუკიანმა.

მისი თქმით, საქართველოს აქვს საერთაშორისო ვალდებულება, რომ ზურაბ ვაზაგაშვილის საქმე გამოიძიოს. "სწორედ ამით არის პროკურატურა ამჟამად დაკავებული, რომ საქართველოს საერთაშორისო ასპარეზზე სტრასბურგის სასამართლოში, არ მოგვეცხოს კიდევ ერთი უპატიებელი ლაქა, რომ სახელმწიფოს ხელით იქნა სიცოცხლე მოსპობილი. მაშინ სახელმწიფოს ხელი იყო სპეცრაზმი, ირაკლი ფირცხალავა. ჩვენ გვაქვს ვალდებულება, რომ გამოვიძიოთ ეს საქმე", - აღნიშნა მინისტრმა.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 22.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს