ძლიერი წვიმის გამო "ჰით ბათუმი 2015"-ის ფარგლებში ბათუმის პიაცაზე დაგეგმილი კონცერტი გადაიდო. ამერიკელი მულტი-ინსტრუმენტალისტი ედრიან ბელიუ მსმენელის წინაშე გუშინ უნდა წარმდგარიყო, თუმცა უამინდობის გამო კონცერტი დღეისთვის გადაიდო.

კონცერტის ორგანიზატორების ინფორმაციით, ედრიან ბელიუს კონცერტი დღეს, 20:00 საათზე ბათუმის ბულვარში მდებარე საზაფხულო თეატრში ჩატარდება.

უამინდობის გამო ბათუმში რამდენიმე ქუჩა დაიტბორა. 26 მაისის, აღმაშენებლის, ლერმონტოვის, მელიქიშვილის, ბაგრატიონის ქუჩების ნაწილი დაიტბორა. ბათუმში რამდენიმე უბანს გუშინ ელექტროენერგია არ მიეწოდებოდა.