ძლიერი წვიმის გამო, გუშინ ფოთში ცენტრალური ქუჩების ნაწილი დაიტბორა. რამდენიმე საათის განმავლობაში ქალაქის მცხოვრებლების ნაწილს ელექტროენერგიის მიწოდება შეუწყდა , რაც ერთ-ერთ ქვესადგურზე მეხის დაცემამ გამოიწვია.
ძლიერი წვიმის გამო წყალმა მოსახლეობის საცხოვრებელი სახლების პირველ სართულებში შეაღწია და საყოფაცხოვრებო ტექნიკა დააზიანა.
ფოთის მერის მოადგილის, ნიკოლოზ გრიგოლიას ინფორმაციით, ამ ეტაპზე ქალაქს ელექტროენერგია სრული დატვირთვით მიეწოდება, მერიამ კი 24-საათიან რეჟიმში დაიწყო მუშაობა.