მანანა კობახიძის აზრით, PACE-ს რეზოლუციის პროექტი საქართველოს სასამართლოს საქმიანობაში ჩარევის ელემენტებს შეიცავს

საპარლამენტო უმრავლესობის წევრის მანანა კობახიძის აზრით, ევროპის საბჭოს საპარლამენტო ასამბლეის (PACE) რეზოლუციის პროექტი საქართველოს სასამართლოს უპატივცემულობისა და მის საქმიანობაში ჩარევის ელემენტებს შეიცავს.

ამის შესახებ მანანა კობახიძემ ევროპის საბჭოს საპარლამენტო ასამბლეის პლენარულ სესიაზე განაცხადა, სადაც ევროპის ადამიანის უფლებათა კონვეციის მონაწილე ქვეყნებში წინასწარი პატიმრობის ბოროტად გამოყენების შესახებ მომხსენებელ პედრო აგრამუნტის მიერ მომზადებულ ანგარიშს განიხილავენ. საქართველოსთან მიმართებაში დოკუმენტში საუბარია ყოფილი ხელისუფლების წარმომადგენლების მიმართ წინასწარი პატიმრობის ბოროტად გამოყენებაზე.

როგორც კობახიძემ აღნიშნა, არც პრეზიდენტის, არც მერის და არც სხვა თანამდებობა არ არის იმუნიტეტი, თუ საქმე გვაქვს დანაშაულის ჩადენასთან.

"ჩვენი გუნდი ადამიანის უფლებების დაცვის ევროპული ფასეულობების ერთგულია. ამიტომ გავატარეთ უმნიშვნელოვანესი რეფორმები მართლმსაჯულების სფეროში", - აღნიშნა კობახიძემ და დასძინა, რომ აგრამუნტის მიერ მომზადებული ანგარიში რეალურად არ ასახავს იმ ვითარებას, რაც საქართველოშია და შეიცავს "ნაციონალური მოძრაობისადმი" სოლიდარობის, ასევე საქართველოს სასამართლოს უპატივცემულობისა და მის საქმიანობაში ჩარევის ელემენტებს.

მისივე თქმით, სასამრთლომ დაამტკიცა, რომ თბილისის ყოფილმა მერმა გიგი უგულავამ ბიუჯეტიდან 4 მილიონზე მეტი გაფლანგა პარტია "ნაციონალური მოძრაობის" სასარგებლოდ და ამ საკითხის განხილვისას პოლიტიკური დევნაზე საუბარი არ შეიძლება იყოს.

მანანა კობახიძის თქმით, აღნიშნული რეზოლუციის მიღება ევროპული ფასეულობების დისკრედიტაცია იქნებოდა.

სესიაზე თავისი მოსაზრება გამოთქვა საპარლამენტო უმცირესობის ლიდერმა დავით ბაქრაძემ და დეპუტატებს მოუწოდა, თვალი არ დახუჭონ საქართველოში არსებულ პრობლემებზე.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება