ტყიბულში ნახშირზე მომუშავე თბოელექტროსადგური აშენდება

თბილისის "აბრეშუმის გზის ფორუმის" ფარგლებში, საქართველოს მთავრობის მხარდაჭერით ხელი მოეწერა თანამშრომლობის თაობაზე შეთანხმებებს ჩინეთის ერთ-ერთ ყველაზე დიდი ჯგუფ Dongfang Electric Corporation-სა და საქართველოს საერთაშორისო ენერგეტიკულ კორპორაციას შორის.

"განზრახულობათა ოქმს" პარტნიორთა შეთანხმების ხელი მოაწერეს კორპორაცია Dongfang Electric Corporation-ის ვიცე პრეზიდენტმა ლან ზე ჰაიმ, ქართული მხრიდან კი საქართველოს საერთაშორისო ენერგეტიკული კორპორაციის გენერალურმა დირექტორმა იორგ მათიესმა. ასევე, გაფორმდა ძირითადი ხელშეკრულება - ტყიბულის მუნიციპალიტეტში 150 მეგავატიანი ელექტროსადგურის კონტრაქტის თაობაზე, რომელსაც ქართული მხრიდან კომპანია "ტყიბული 150"-ის დირექტორმა გივი ჭაჭიამ და ჩინური მხრიდან ლან ზე ჰაიმ მოწერეს ხელი. ასევე, ხელი მოეწერა საქართველოს მთავრობას, სს "ელექტროენერგეტიკული სისტემის კომერციულ ოპერატორსა" და შპს "ტყიბული 150" შორის ტიბულის მუნიციპალიტეტში ნახშირზე მომუშავე თბოელექტროსადგურის მშენებლობის ფლობის და ოპერირების თაობაზე ხელშეკრულებას. აღნიშნულ ხელშეკრულებას საქართველოს მთავრობის სახელით ხელი ენერგეტიკის მინისტრმა, ვიცე პრემიერმა კახა კალაძემ მოაწერა. ხელმოწერის ცერემონიას საქართველოს პრემიერ-მინისტრი ირაკლი ღარიბაშვილი დაესწრო.

როგორც ენერგეტიკის მინისტრმა, კახა კალაძემ ჟურნალისტებს განუცხადა, დღეს კიდევ ერთ მნიშვნელოვან პროექტს ჩაეყარა საფუძველი.

"ეს არის ნახშირის ქვესადგური, რომლის პროექტიც განხორციელდება ტყიბულში. ეს იქნება 150 მეგავატის სიმძლავრის და დაახლოებით 200 მილიონი დაიხარჯება ამ პროექტის განხორციელებისთვის. ძალიან მნიშვნელოვანია, რომ ეს ქვესადგური იმუშავებს საქართველოში მოპოვებულ ნახშირზე. ეს ხელს შეუწყობს დამატებით სამუშაო ადგილების შექმნას, როგორც ნახშირის მოპოვების, ასევე თბოლოექტროსადგურის მშენებლობის პროცესში და შემდეგ როცა სადგურის მშენებლობა დასრულდება, შეიქმნება მუდმივი სამუშაო ადგილები", - განაცხადა კახა კალაძემ.

როგორც მინისტრმა აღნიშნა, მნიშვნელოვანია, რომ 200 კუბური მეტრის გაზის დაზოგვა მოხდება, რადგან ჩანაცვლებული იქნება ნახშირით.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს