საგარეო საქმეთა მინისტრის, ვიცე-პრემიერ გიორგი კვირიკაშვილის განცხადებით, "თბილისის აბრეშუმის გზის ფორუმი" პირველ რიგში, ემსახურება იმას, რომ საქართველო გახდეს ცნობადი, კომფორტული ქვეყანა ინვესტიციებისთვის.

როგორც გიორგი კვირიკაშვილმა ჟურნალისტებს განუცხადა, აბრეშუმის გზის კონცეფცია არის მნიშვნელოვანი იმით, რომ ის აერთიანებს სხვადასხვა ქვეყნების განვითარების პოლიტიკას ერთი პლატფორმის ქვეშ. მინისტრის განცხადებით, ძალიან მნიშვნელოვანი იყო, რომ ეს ფორუმი ჩატარდა საქართველოში.

"ეს იყო ალბათ ერთ-ერთი ყველაზე წარმომადგენლობითი ფორუმი. მე არ მახსენდება ამხელა სპექტრი წარმოდგენილი ინვესტორების სხვადასხვა ქვეყნებიდან. ასევე იყვნენ წარმოდგენილი ქვეყნები მინისტრების, ვიცე-პრემიერების დონეზე. იყო ძალიან საინტერესო განხილვები. ეს ფორუმი პირველ რიგში ემსახურება იმას, რომ საქართველო გახდეს ცნობადი, კონფორტული ქვეყანა ინვესტორებისთვის. ძალიან ბევრმა ადამიანმა არ იცის, არა აქვს ინფორმაცია ჩვენი ქვეყნის შესახებ, რომ ჩვენს ქვეყანაში არის სტაბილურობა, არის დემოკრატიული, პოლიტიკური სისტემა და არის კანონის უზენაესობა", - განაცხადა გიორგი კვირიკაშვილმა.