პოლიტპატიმრის სტატუსით გათავისუფლებულები მათი საქმეების გადახედვის მოთხოვნით პარლამენტს მიმართავენ

პოლიტპატიმრის სტატუსით გათავისუფლებულები მათი საქმეების გადახედვის მოთხოვნით ხვალ პარლამენტში განცხადებას შეიტანენ, მოთხოვნის დაუკმაყოფილებლობის შემთხვევაში კი პერმანენტულ აქციებს გამართავენ.

ამის შესახებ ჟურნალისტებს ორგანიზაცია "ყოფილი პოლიტპატიმრები - ადამიანის უფლებებისთვის" თავმჯდომარემ ნანა კაკაბაძემ განუცხადა.

"მოვითხოვთ, პარლამენტმა შეიტანოს კანონში ცვლილება და თქვას, რომ პოლიტპატიმრობა არის ახლადაღმოჩენილი გარემოება და ამ გარემოების საფუძველზე საქმეების გადახედვა მოხდეს. ეს უამრავი პოლიტპატუმრის ოცნებაა. ისინი პირველივე დღიდან ამბობდნენ, რომ მათ მიზანს არა თავისუფლება, არამედ საქმეების გადახედვა წარმოადგენს. ხვალ პოლიტპატიმრები პარლამენტთან შეიკრიბებიან და მიმართვას შეიტანენ. სწორედ პარლამენტი არის პასუხისმგებელი იმაზე, რაც აგორდა. ელისაშვილისა და კილაძისკენ კი არ მოხდება ხელის გაშვერა. პარლამენტმა მიზანმიმართულად, კოჰაბიტაციური რეჟიმის შედეგად, არ გადახედა ამ ადამიანების საქმეებს. კეთილი ინებონ და დღეს შეიტანონ კანონში შესწორებები და პასუხი გასცენ იმ კითხვებს, რომელზეც მე მიხდება პასუხის გაცემა. გადაიხედოს ეს საქმეები და ინახოს, მათში იდო თუ არა დანაშაულის მტკიცებულებები და ჰქონდა თუ არა მათ პოლიტიკური ელფერი. იქნებ მართლაც არ არიან ეს ადამიანები პოლიტპატიმრები?", - განაცხადა კაკაბაძემ.

კითხვაზე, გამორიცხავს თუ არა, რომ ეკა ბესელიამ და მანანა კობახიძემ პოლიტპატიმრის სტატუსის სანაცვლოდ გარკვეული ადამიანებისგან, შესაძლოა, ფული აიღეს, კაკაბაძის თქმით, "არავისზე არაფერს გამორიცხავს".

"მეც შეიძლება გამიჩნდეს კითხვები, რატომ არ აინტერესებს ხელისუფლებას ამ საქმეების გადახედვა? ჩვენ ხომ იქ შინაარსობრივად არ ვიხილავდით საქმეებს. მე პასუხისმგებელი ვარ იმ საქმეებზე, რომლებშიც ჩვენი ორგანიზაციის ადვოკატები მონაწილეობდნენ, მაგრამ ყველაში ხომ არ ვმონაწილეობდით? რატომ არ უნდათ ამ საქმეების გადახედვა? სხვანაირად როგორ უნდა გაიგოთ, იყვნენ თუ არა ეს ადამიანები პოლიტიკური დევნილები და პატიმრები? ელისო კილაძის და ნანა კაკაბაძის არგუმენტებით უნდა იმსჯელოთ? ეს ხომ არასერიოზულია", - განაცხადა კაკაბაძემ.

მისი თქმით, პოლიტპატიმრების ჯერ განცხადებას შეიტანენ პარლამენტში, გონივრულ ვადაში, მათი მოთხოვნის დაუკმაყოფილებლობის შემთხვევაში კი, პროტესტის სხვა ზომებს მიმართავენ.

"არ დაიწყებს პარლამენტი განხილვას, მერე სხვა ფორმებით მოვითხოვთ, რომ ხელისუფლებამ პასუხისმგებლობა აიღოს იმ პროცესებზე, რაც დღეს მიმდინარეობს. დიახაც, ძალიანაც კარგია, რომ ეკა ბესელიამაც, მანანა კობახიძემაც იწვნია თავის თავზე და უსუფაშვილსაც მოხვდა. სანამ თვითონ არ შეეხოთ არ გაინძრნენ, ახლა იმედი მაქვს რომ გაინძრევიან და პოლიტპატიმართა საქმეებს გადახედავენ", - განაცხადა ნანა კაკაბაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024