"რუსთავი2"-ის ინფორმაციით, ციხის ყოფილი თანამშრომელი ამბობს, რომ ზაუტაშვილი ბესელიას და კობახიძეს ღამით ციხეში ხვდებოდა

ტელეკომპანია "რუსთავი2"-ის ინფორმაციით, ქალთა #5 საპატიმრო დაწესებულების ყოფილი თანამშრომელი, რომელიც ტელეკომპანიას ანონიმურობის დაცვით ესაუბრა, ღამით, ციხეში, დეპუტატების მანანა კობახიძისა და ეკა ბესელიას ვიზიტებსა და მათ ე.წ. კოკაინის საქმეში მსჯავრდებულ ანასტასია ზაუტაშვილთან შეხვედრებს იხსენებს.

მისი ინფორმაციით, ანასტასია ზაუტაშვილის გათავისუფლების და პოლიტპატიმართა სიაში ჩასმის სანაცვლოდ გადახდილი იყო 200 ათასი, ხოლო როცა აღნიშნულ სიაში არ მოხვდა, ურეკავდა მანანა კობახიძეს, რომელიც მის სატელეფონო ზარებს აღარ პასუხობდა.

"რამდენჯერმე იყო შემთხვევა, როცა ანასტასია ზაუტაშვილი ღამის 11-12 საათზე საკნიდან გაუყვანიათ, აუყვანიათ ციხის დირექტორის კაბინეტში. მე მქონდა ინფორმაცია, რომ ამ დროს შემოსული იყო მანანა კობახიძე. მოსულა ეკა ბესელიაც. ისინი რომ მოდიოდნენ, ანასტასია ზაუტაშვილი ცალკე გაჰყავდათ და ხვდებოდა, ხოლო შემდეგ ხვდებოდნენ ყველას ერთად. რამდენიმე მსჯავრდებული სარგებლობდა "სკაიპითაც" და მათ შორის იყო ანასტასია ზაუტაშვილი. მსჯავრდებულები ამბობდნენ, რომ მას 150-200 ათასი აქვს გადახდილი და მალე გავა. კოკაინის საქმეში ვინც იყო, ყველა რომ გაეშვათ, მილიონ რაღაცას იხდიდნენ", - აცხადებს "რუსთავი2"-ის ინკოგნიტო წყარო.

მისივე ინფორმაციით, ანასტასია ზაუტაშვილი განსაკუთრებული პრივილეგიებით და აკრძალული ამანათების მიღების უფლებით სარგებლობდა, რის თაობაზეც მან სასჯელაღსრულების სამინისტროს გენერალური ინსპექციის იმდროინდელ უფროსს, მირზა სუბელიანს აცნობა და მათ შორის, გადახდილი ფულის თაობაზეც მოუყვა.

თავად სუბელიანი "რუსთავი2"-თან საუბარში აღნიშნულ შეხვედრას არ ადასტურებს. "ფორმა არ არსებობს, რომ ჩემთან თანამშრომელი შემოსულიყო. არც მიღების დღეები მქონდა და არც თანამშრომლებს ვხვდებოდი. ასეთი ინფორმაცია რომ ყოფილიყო, რეაგირებას მოვახდენდი", - განუცხადა "რუსთავი2"-ს მირზა სუბელიანმა.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 22.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს