ალეკო ელისაშვილი - სატელეფონო ამონაწერში ფიქსირდება, რომ ჩემთვის კონკრეტულ მაღალჩინოსნებს სმს-ები გამოგზავნილი აქვთ

შეწყალების კომისიის ყოფილმა თავმჯდომარე ალეკო ელისაშვილმა მობილური კომპანიიდან საკუთარი ტელეფონის ამონაწერი ამოიღო. როგორც "ინტერპრესნიუსს" ელისაშვილმა განუცხადა, ამონაწერში ფიქსირდება ტელეფონის ის ნომრები, საიდანაც მას ზოგიერთმა მაღალჩინოსანმა კონკრეტული მსჯავრდებულების შეწყალების მოთხოვნით სმს-ები გაუგზავნა.

"ამით დასტურდება, რომ პროკურატურაში, დაკითხვისას ჩემს მიერ დასახელებულ დროს, დასახელებული პოლიტიკოსების მხრიდან ნამდვილად არის გამოგზავნილი შეტყობინება", - აღნიშნა ელისაშვილმა.

მისივე განმარტებით, ამონაწერში ფიქსირდება მხოლოდ მის ტელეფონზე სმს-ის გაგზავნის დრო და არა შეტყობინების შინაარსი.

"მესიჯების შინაარსი გამოძიებამ გაარკვიოს", - აღნიშნა ელისაშვილმა.

როგორც ცნობილია, ე.წ. შეწყალების საქმეზე დაწყებული გამოძიების ფარგლებში, ელისაშვილმა პროკურატურას რამდენიმე დღის წინ მტკიცებულების სახით საკუთარი მობილური ტელეფონი გადასცა. შეწყალების კომისიის ყოფილი თავმჯდომარის განცხადებით, მასში ის სმს-ები ინახებოდა, რომლებიც ხელისუფლების მაღალჩინოსნებმა გაუგზავნეს, თუმცა მოგვიანებით პროკურატურამ ეს არ დაადასტურა და აღნიშნა, რომ ტელეფონში კონკრეტული პატიმრის შეწყალების მოთხოვნის შემცველი სმს-ები არ აღმოჩნდა. გუშინ, ელისაშვილმა დაადასტურა, რომ ტელეფონის "ინბოქსში" მესიჯები მართლაც არ იყო, თუმცა მისივე მტკიცებით, ის მობილურის მყარ დისკზე ინახება.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი