თინა ხიდაშელი ევროკავშირთან ვიზალიბერალიზაციის პროცესში რაიმე გართულებებს არ ელოდება

საქართველოს თავდაცვის მინისტრი, თინა ხიდაშელი ევროკავშირთან ვიზალიბერალიზაციის პროცესში რაიმე გართულებებს არ ელოდება. ხიდაშელი დარწმუნებულია, რომ არც ბრიუსელისა და არც ევროკავშირის რომელიმე წევრი სახელმწიფოს მხრიდან რაიმე განსხვავებული პოზიცია და დამოკიდებულება ამ პროცესთან დაკავშირებით არ იქნება.

"პირველ რიგში ვულოცავ ქართველ ხალხს ამ ძალიან მნიშვნელოვან გადაწყვეტილებას, რომელიც გუშინ გვამცნო ევროკომისარმა. ჩვენმა სახელმწიფომ, პირველ რიგში საზოგადოებამ და მოსახლეობამ, რომლებიც გვერდში უდგანან რეფორმებს, რომლებიც ითხოვენ რეფორმებს და რომლებიც მოწადინებულები არიან ამ რეფორმების წარმატებისთვის, გააკეთა ყველაფერი, რომ გუშინდელი დღე მომხდარიყო. მე არ ველოდები რაიმე გართულებებს, განსაკუთრებით არ ველოდები ჩვენი მხრიდან. ჩვენ ამ გზაზე ვდგავართ ძალიან მტკიცედ და დარწმუნებული ვარ, რომ არც ბრიუსელისა და არც ევროკავშირის რომელიმე წევრი სახელმწიფოს მხრიდან იქნება რაიმე განსხვავებული პოზიცია და დამოკიდებულება. არ ხდება ასე, რომ კომისიამ რეკომენდაცია გაწიოს თუ პოლიტიკური კონსენსუსი მიღწეული არ არის. ამიტომ მე ძალიან ოპტიმისტურად ვუყურებ შემდეგ რამდენიმე თვეს", - განაცხადა ხიდაშელმა.

მისივე თქმით, დარჩენილია წმინდა წყლის იურიუდიული პროცედურები.

"ჩვენ წმინდა წყლის იურიდიული პროცედურები გვაქვს გასავლელი მათ შორის ევროპარლამენტში. დარწმუნებული ვარ, რომ ერთი ნაწილი ოცნების საქართელოს მოსახლეობისთვის რეალიზებული იქნება. მე დარწმუნებული ვარ, რომ ძალიან ბევრი ქართველი ამ სიკეთეს გამოიყენებს", - განაცხადა ხიდაშელმა.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება