გია გაჩეჩილაძის ადვოკატი სასამართლოს დღევანდელი გადაწყვეტილებით კმაყოფილია

ტელეკომპანია „მაესტროს“ წილების საკონტროლო პაკეტის მფლობელ გია გაჩეჩილაძის ადვოკატი ირაკლი კორძახია სასამართლოს დღევანდელი გადაწყვეტილებით კმაყოფილია, თუმცა მისთვის ასევე საინტერესოა მოსამართლის გადაწყვეტილების დასაბუთებული ვარიანტი. როგორც კორძახიამ აღნიშნა, ადვოკატებს სხვა სამართლებრივი არგუმენტებიც ჰქონდათ, რის საფუძველზეც ითხოვდნენ, რომ არ დაკმაყოფილებულიყო მამუკა ღლონტისა და ეკატერინე აკობიას სარჩელი.

როგორც კორძახიამ აღნიშნა, მოსამართლემ დღეს მხოლოდ ის განმარტა, რომ არსებობს საქართველოში პრაქტიკა, რომლის თანახმადაც წინარე ხელშეკრულების დადებით მხარეს ვერ დაავალდებულებს ვერავინ, რომ დადოს ძირითადი ხელშეკრულება.

„2011 წელს წილის გაყიდვების ძირითადი ხელშეკრულება არ დაიდო და დაიდო მხოლოდ წინარე ხელშეკრულება, რომლითაც გათვალისწინებული იყო მომავალში ძირითადი ხელშეკრულების დადება, ამიტომ მოსამართლემ განმარტა, რომ სასამართლო ვერ დაავალდებულებს მხარეებს, რომ დადონ ის ხელშეკრულება, რომელიც მათ თავის დროზე არ დადეს“, - განაცხადა ირაკლი კორძახიამ.

„გამომდინარე იქიდან, რომ წინარე ხელშეკრულების ვადა იყო გასული, ჩვენ ვამბობდით, რომ აღარ არსებობს ვალდებულება ძირითადი ხელშეკრულების დადების. წინარე ხელშეკრულებას ვადა 2012 წლის 10 დეკემბერს გაუვიდა, შესაბამისად, გია გაჩეჩილაძეს ძირითადი ხელშეკრულების გაფორმების ვალდებულება არ ჰქონდა. ეს არგუმენტი ჩვენს მიერ წარდგენილი იყო სასამართლოში“, - განაცხადა ირაკლი კორძახიამ.

„მაესტროს“ სადავო წილები კვლავ გია გაჩეჩილაძის საკუთრებაში რჩება. მოსამართლე ლაშა ქოჩიაშვილის გადაწყვეტილებით, არ დაკმაყოფილდა ტელეკომპანია „მაესტროს“ დამფუძნებლის მამუკა ღლონტისა და ეკატერინე აკობიას სასარჩელო მოთხოვნა, რომლითაც ისინი გია გაჩეჩილაძის კუთვნილი წილის მათთვის გადაცემას მოითხოვდნენ.

მოსამართლემ საკუთარი გადაწყვეტილების ერთ-ერთ არგუმენტად ის გარემოება დაასახელა, რომ არ არსებობს წილის ნასყიდობის ხელშეკრულება და არსებობს მხოლოდ წინარე ხელშეკრულება წილის გასხვისებასთან დაკავშირებით, რაც არ ნიშნავს, რომ წილი გასხვისებულია.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 19.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)