შინაგან საქმეთა მინისტრის, გიორგი მღებრიშვილის განცხადებით, კორცხელში მომხდარ ინციდენტთან დაკავშირებით დაკავებული არავინაა.

როგორც მინისტრმა ჟურნალისტებთან საუბრისას აღნიშნა, გამოძიება მომხდარ ფაქტთან დაკავშირებით მიმდინარეობს.

”არავინაა დაკავებული და მიმდინარეობს გამოძიება”, - განაცხადა გიორგი მღებრიშვილმა.

მღებრიშვილმა გუშინ განაცხადა, რომ შს სამინისტო სასამართლოს უახლოეს დღეებში ან საათებში მიმართავს, რათა კორცხელის ინციდენტში იდენტიფიცირებული პირების დასაკავებლად განჩინება გამოსცეს.