კორცხელის ინციდენტის ყველა მონაწილე, ვინც ცემა-ტყეპაში მონაწილეობა მიიღო, უნდა დაისაჯოს, - ასე გამოეხმაურა შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი პროკურატურის განცხადებას, რომ კორცხელის ინციდენტის ყველა მონაწილე დაიკითხება.

„გამოძიებას უნდა ვენდოთ და უნდა დაისაჯოს კორცხელის ინციდენტის ყველა მონაწილე, ვინც ცემა-ტყეპაში მონაწილეობა მიიღო“, - განაცხადა პაატა ზაქარეიშვილმა.

”ნაციონალური მოძრაობისა” და ”ქართული ოცნების” წარმომადგენლებს შორის კორცხელის #53-ე უბანზე ფიზიკური დაპირისპირება მოხდა. ინციდენტის დროს დაშავდა ”ნაციონალური მოძრაობის” რამდენიმე წევრი, მათ შორის ნიკა მელია, თენგიზ გუნავა, აკაკი მინაშვილი და გიგა ბოკერია. ფიზიკური შეურაცხყოფა მიაყენეს მედიის წარმომადგენლებსაც.

ზუგდიდის კორცხელის თემში კენჭრს იყრიდნენ - თეონა ქარდავა (თავისუფალი საქართველო); ვარადებული ლაშხია (ერთიანი ნაციონალური მოძრაობა); ამირან ლაგვილავა (ქართული ოცნება).