თბილისის ანძა წუხელ საფრანგეთის დროშის ფერებში განათდა. როგორც ”ინტერპრესნიუსს” თბილისის მერიაში განუცხადეს, აღნიშნული გადაწყვეტილება დედაქალაქის მთავრობამ ნიცაში მომხდარი ტერაქტისადმი სოლიდარობის ნიშნად მიიღო.

ბოლო მონაცემებით, ნიცაში თავდასხმის შედეგად დაღუპულთა რაოდენობა 84-მდე გაიზარდა. 14 ივლისს, ადგილობრივი დროით 23:00 საათზე ნიცაში, სადაც მოსახლეობა ეროვნულ დღესასწაულს, ბასტილიის აღების დღეს აღნიშნავდა, ხალხში სატვირთო ავტომობილი შევარდა და უამრავი ადამიანი გადასრისა, რის შემდეგაც იქ მყოფებს ცეცხლი გაუხსნა. ადგილზე მისულმა სამართალდამცველებმა თავდასხმელის ლიკვიდაცია მოახდინეს. პასუხისმგებლობა თავდასხმისთვის ჯერჯერობით არც ერთ დაჯგუფებას არ აუღია.