საფრანგეთის საელჩო საქართველოს მოსახლეობას და ქართველ ხალხს სოლიდარობისთვის მადლობას უხდის. ”საფრანგეთი ისევ მგლოვიარეა საძულველი და სასიკვდილო ტერორისტული აქტის გამო. საფრანგეთის საელჩო საქართველოში მადლობას უხდის საქართველოს ხელისუფლებას და ქართველ ხალხს იმ სოლიდარობისა და მეგობრობის გამოხატვისთვის, რომელსაც ისინი ჩვენს მიმართ ადასტურებენ ამ საშინელი განსაცდელის ჟამს”, - ნათქვამია საელჩოს განცხადებაში.

სამძიმრის წიგნი დღეს, თბილისის საკრებულოს შენობაში, 14:00 საათიდან 18 სააათამდე პერიოდში გაიხსნება.

ნიცაში მომხდარი თავდასხმის შედეგად 84 ადამიანი დაიღუპა, მათ შორის 10 ბავშვია.

მოსახლეობა ეროვნულ დღესასწაულს, ბასტილიის აღების დღეს აღნიშნავდა, ხალხში სატვირთო ავტომობილი შევარდა და უამრავი ადამიანი გადასრისა, რის შემდეგაც იქ მყოფებს ცეცხლი გაუხსნა. ადგილზე მისულმა სამართალდამცველებმა თავდამსხმელის ლიკვიდაცია მოახდინეს.