გია შარვაშიძე „აუდიტორია 115“-ის წევრებს - მიკროფონს მოგცემთ, თუ ჯერ მე მომცემთ საშუალებას პირველკურსელებს მივესალმო

უპირობო ავტონომია - ეს არის ჩვენი მოთხოვნა, - ამის შესახებ ივანე ჯავახიშვილის სახელობის თბილისის სახელმწიფო უნივერსიტეტის რექტორმა გია შარვაშიძემ უნივერსიტეტის ეზოში შეკრებილ სტუდენტებს მიმართა.

გია შარვაშიძემ რამდენიმე წუთის განმავლობაში ვერ შეძლო უნივერსიტეტის ეზოში შეკრებილი სტუდენტებისთვის მიემართა. ამის საშუალებას მას „აუდიტორია 115“-ის წევრები არ აძლევდნენ. ისინი რექტორს ეკამათებოდნენ და აცხადებდნენ, რომ მათ მიკროფონი გამოურთეს.

”რატომ გამოგვირთეთ მიკროფონი”, - მიმართეს სტუდენტებმა რექტორს.

”მიკროფონს მოგცემთ, თუ მომცემთ საშუალებას მივესალმო პირველკურსელებს”, - განაცხადა შერვაშიძემ.

„აუდიტორია 115“-ის წარმომადგენელთან საუბრისას დაცვამ უზრუნველყო, რომ რექტორს პირველკურსელებისათვის მიემართა. გია შარვაშიძემ სტუდენტებს სასწავლო წელი მიულოცა და უსურვა, რომ ეს ოთხი წელიწადი დაუვიწყარი იყოს მათ ცხოვრებაში.

”მართალია ძალიან საინტერესო ფორმით მოხდა თქვენი შემობრძანება უნივერსიტეტში და აკადემიურ სივრცეში, მიუხედავად ამისა, ყველა ის მოთხოვნა, რომელიც დღეს ჟღერდა აქ ”ავტონომია უნივერსიტეტს” ჩვენთვის მისაღებია. „უპირობო ავტონომია“ ეს არის ჩვენი მოთხოვნა. მიუხედავად იმისა, რომ უნივერსიტეტი დღეს ბევრს არ მოსწონს, იგი კვლავ რჩება წამყვან სასწავლებლად საქართველოში”, - განაცხადა რექტორმა.

აღნიშნულის შემდეგ უნივერსიტეტის პირველ კორპუსთან კვლავ გაგრძელდა „აუდიტორია 115“-ის წარმომადგენელთა მიმართვა და გამოსვლები. მათ უნივერსიტეტის კიბეებზე გაშალეს დიდი პლაკატი წარწერით ”მოვითხოვთ განათლების რეფორმას. აუდიტორია 115”.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“