გია შარვაშიძე - თსუ-ში პოლიცია არ გამოგვიძახებია

თბილისის სახელმწიფო უნივერსიტეტის რექტორმა გია შარვაშიძემ სტუდენტებს დიალოგისკენ მოუწოდა. თბილისის სახელმწიფო უნივერსიტეტში „აუდიტორია 115“-ის სტუდენტები რექტორთან შეხვედრას ცდილობდნენ, რა დროსაც უნივერსიტეტის დაცვის წარმომადგენლებსა და სტუდენტებს შორის დაპირისპირება მოხდა. უნივერსიტეტის რექტორი ცდილობდა ჟურნალისტებისთვის კომენტარი გაეკეთებინა, რის საშუალებასაც მას უნივერსიტეტის დერეფანში არსებული ვითარება არ აძლევდა, რადგან ისმოდა შეძახილები - ”მატყუარა, მატყუარა”, ”ავტონომია უნივერსიტეტს”. „აუდიტორია 115“-ის წევრები თსუ-ს რექტორს მიმართავდნენ და მისგან პასუხს ითხოვდნენ რატომ არ უშვებენ შენობაში.

ერთ-ერთი სტუდენტის განცხადებით, შენობაში პოლიციის წარმომადგენლებიც იმყოფებოდნენ. აღნიშნულის საპასუხოდ გია შარვაშიძემ განაცხადა, რომ მათ პოლიცია არ გამოუძახებიათ.

”გავცემ პასუხს „აუდიტორია 115“-ის წევრს თორნიკე შევარდნაძეს. არავითარი პოლიცია არ გამოგვიძახებია. გვქონდა ინფორმაცია, რომ ძალა უნდა გამოეყენებინათ, გავარკვევთ ყოველ კონკრეტულ ფაქტს. ვინც არის დამნაშავე დაისჯება მკაცრად. დავიცავთ კანონს. მოვუწოდებ ყველას, არ არის საჭირო აჟიტირება. დიალოგი თუ გვინდა, დიალოგს გავმართავთ. მე მზად ვარ ნებისმიერ ფორმატში დიალოგისათვის”, - განაცხადა მედიასთან საუბრისას გია შარვაშიძემ.

ამ წუთებში ცნობილი გახდა, რომ რექტორი „აუდიტორია 115“-ის სტუდენტებს და აქციის მონაწილეებს აუდიტორია 115-ში შეხვდება.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს