ივანე ჯავახიშვილის სახელობის თსუ-ს რექტორის გია შარვაშიძისა და „აუდიტორია 115“-ის წევრების შეხვედრა დასრულდა.

როგორც სტუდენტები აცხადებენ, ისინი შეხვედრით უკმაყოფილოები არიან და რექტორისგან კონკრეტული გადაწყვეტილების შესახებ არანაირი დაპირება არ მიუღიათ.

სტუდენტ გიორგი ჯავახიძის განცხადებით, „აუდიტორია 115“-ის სტუდენტები დაელოდებიან აკადემიური საბჭოს შეკრებას, გადაწყვეტილებას, რომელსაც ისინი მიიღებენ და ამის შემდეგ ეცოდინებათ, თუ როგორ გააგრძელებენ მოქმედებას.

შეხვედრა დაახლოებით 2 საათის განმავლობაში აუდიტორია 115-ში მიმდინარეობდა. რექტორმა „აუდიტორია 115“-ის სტუდენტებს მათი მოთხოვნების შესრულებაზე ესაუბრა და შესთავაზა, რომ 3 თვის განმავლობაში შედგენილი იქნას უნივერსიტეტის განვითარების სტრატეგიული გეგმა, რომელიც რადიკალურ რეფორმებს გაითვალისწინებს.