მაკა ასათიანმა ”მაესტროში” საკუთარი წილი გაასხვისა. ამის შესახებ ”ინტერპრესნიუსს” მაკა ასათიანის ადვოკატმა, გიორგი გვენეტაძემ განუცხადა. გვენეტაძის ინფორმაციით, მოლაპარაკებები ირაკლი რუხაძესთან მიმდინარეობდა. ადვოკატის თქმით, იურიდიულად ტრანზაქცია დასრულებული არაა, თუმცა გადაწყვეტილება წილის გასხვისებაზე მიღებულია.

”მაკა ასათიანი აღარ იყო საკონტროლო პაკეტის მფლობელი, თუმცა შემდეგ ის გახდა მინორიტარი პარტნიორი, შესაბამისად დაკარგა ინტერესი ამ წილის ფლობის მიმართ, ვინაიდან ვეღარ ახდენდა ვერანაირ გავლენას ”მაესტროში” მისაღებ გადაწყვეტილებებზე. ამიტომ მიიღო გადაწყვეტილება რომ წილი გაესხვისებინა. ჯერ იურიდიულად ტრანზაქცია არ დასრულებულა მაგრამ გადაწყვეტილება, წილის გასხვისებაზე მიღებულია. მოლაპარაკებები ამ დღეებში დასრულდა, თუმცა ის საკმაოდ დიდი ხნის განმავლობაში წარმოებდა”, - განაცხადა გიორგი გვენეტაძემ.