ბათუმის მოვლენებზე დაკავებული პირის ადვოკატი აჭარის საპატრულო პოლიციის უფროსის დაკითხვის შინაარსს ასაჯაროებს

11-12 მარტს ბათუმში განვითარებულ მოვლენებთან დაკავშირებით, შსს-ს საპატრულო პოლიციის დეპარტამენტის აჭარის მთავარი სამმართველოს უფროსი კახა ბუხრაძე დაიკითხა.

როგორც „ინტერპრესნიუსს“ სისხლის სამართლის ბრალდებით დაკავებული ერთ-ერთი პირის ადვოკატმა ზაზა პაპიძემ განუცხადა, კახა ბუხრაძემ ჩვენება 16 მარტს მისცა, ადვოკატებს კი საქმის მასალები 26 მარტს გადაეცათ. მისივე თქმით, საქმის მასალების თანახმად, აჭარის პოლიცის უფროსი დაკითხვისას არასამთავრობო ორგანიზაცია „კორუფციასთან ბრძოლის საინფორმაციო ცენტრის“ ხელმძღვანელ მერაბ ღოღობერიძეზე საუბრობს.

ადვოკატის თქმით, ჩვენებაში ბუხრაძე ამბობს, რომ როდესაც იგი საპატრულო პოლიცის უფროსად დაინიშნა, მას ღოღობერიძე შეხვდა და სთხოვა, რომ მისთვის პატრულს პრობლემები არ შეექმნა, რადგან არ აქვს მართვის მოწმობა. ასევე, მერაბ ღოღობერიძე სარფის საბაჟოზე ტრაილერების ურიგოდ გატარებას ითხოვდა.

„კახა ბუხრაძე ჩვენებაში აცხადებს, რომ 11-12 მარტის მოვლენების განვითარება დაიწყო იმიტომ, რომ არასამთავრობო ორგანიზაცია „კორუფციასთან ბრძოლის საინფორმაციო ცენტრის“ ხელმძღვანელი მერაბ ღოღობერიძე ბუხრაძესთან ორი პირადი თხოვნით მივიდა. ერთი ის, რომ მას მართვის მოწმობა არ გააჩნდა და ეს პოლიციის თანამშრომლებს უნდა გაეთვალისწინებინათ. ასევე, სარფის საბაჟოს გამშვებ პუნქტზე ტრაილერის ურიგოდ გატარებას ითხოვდა. როგორც კახა ბუხრაძემ თქვა, ის ღოღობერიძის უკანონო მოთხოვნას ვერ გაითვალისწინებდა, ამიტომ მერაბ ღორობერიძე პოლიციის თანამშრომლებს კორუფციულ ქმედებებში მხილებით დაემუქრა. ჩემი ინფორმაციით, კახა ბუხრაძემ თქვა, რომ ის არის პროვოკატორი, რომელმაც გაუვრცელა ჭორი, თითქოს აჭარლებს „თათრებს“ ეძახდა“, - განაცხადა ადვოკატმა ზაზა პაპიძემ.

ბათუმის მოვლენების განვითარებამდე, არასამთავრობო ორგანიზაცია „კორუფციასთან ბრძოლის“ საინფორმაციო ცენტრის ხელმღვანელმა მერაბ ღოღობერიძემ აჭარის პოლიციის მთავარ სამმართველოსთან საპროტესტო აქცია გამართა. იგი საამმართველოს უფროსის, კახა ბუხრაძის გადაგომას ითხოვდა. 11-12 მარტს „პლაზას“ მიმდებარე ტერიტორიაზე, სამართალდამცავებსა და მოქალაქეებს შორის დაპირისპირება მოხდა, სადაც რამდენიმე პირი დააკავეს. პროტესტის ნიშნად, აქციის მონაწილეებმა აჭარის პოლიციის მთავარ სამმართველოსთან გადაინაცვლეს. აქცია მთელი ღამის განმავლობაში მიმდინარეობდა. შეკრებილები კახა ბუხრაძის გადადგომას და დაკავებულების გათავისუფლებას ითხოვდნენ. ბათუმის მოვლენებთან დაკავშირებით, 80-მდე მოქალაქე ადმინისტრაციული სამართალდარვევის ბრალდებით დააკავეს და ჯარიმის სანაცვლოდ გაათავისუფლეს. 18 პირს კი, აღკვეთის ღონისძიების სახით, სისხლის სამართლის ბრალდებით, წინასწარი პატიმრობა შეეფარდა.

იხილეთ ვიდეო: რა ჩვენება მისცა აჭარის საპატრულო პოლიციის უფროსმა ბათუმის მოვლენებზე? - დაკითხვის დეტალებს დაკავებულის ადვოკატი ასაჯაროებს
ტომას გრემი - აშშ-ს არ აქვს არავითარი ინტერესი, რომ საქართველო უშუალოდ ჩაერთოს უკრაინის კონფლიქტში და გნებავთ, „მეორე ფრონტი“ გაიხსნას
ქართული პრესის მიმოხილვა 05.06.2023
ირაკლი მელაშვილი - ვინც ამბობს, რომ რუსეთის უკრაინაში შეჭრის მიზეზი არა უკრაინის სახელმწიფოს განადგურება და იმპერიის აღდგენა, არამედ ნატო-ს გაფართოებაა, ან წარმოუდგენელი ბრიყვია, ან ნამუსგარეცხილი რუსი პროპაგანდისტი
საერთაშორისო ფარმაცევტული კომპანია GM PHARMA ბავშვთა დაცვის საერთაშორისო დღის აღნიშვნას საინტერესო აქტივობებით შეუერთდა
კერძო სკოლა „ბრიტანულ-ქართულ აკადემიაში“ აცხადებენ, რომ საგანმანათლებლო დაწესებულების ტერიტორიაზე ასაფეთქებელი ნივთიერების არსებობა არ დადასტურდა
PSP-სა და Lib.ge აკადემიას შორის მემორანდუმი გაფორმდა