საქართველოს კათოლიკოს-პატრიარქმა, უწმინდესმა და უნეტარესმა ილია მეორემ აბიტურიენტები დალოცა და მათ გამოცდების წარმატებით დასრულება და უმაღლეს სასწავლებლებში ჩაბარება უსურვა.

“იწყება გამოცდები, ღმერთი იყოს თქვენი მფარველი. თქვენ ის დარგი აირჩიეთ, რომელიც სასარგებლო იქნება თქვენთვის და სამშობლოსთვის. ღმერთმა დაგლოცოთ და გაგახაროთ. ღმერთმა ინებოს, რომ მიღებული იყოთ სასწავლებლებში და მშვიდობით დაამთავროთ”, - მიმართა აბიტურიენტებს ილია მეორემ კვირას სამებაში.

ეროვნული გამოცდები დღეს დაიწყო.