მარიამ ჯაში - მაქვს დიდი მოლოდინი, რომ მიხეილ ჩხენკელის განათლების მინისტრობის პერიოდში გვექნება მნიშვნელოვანი წინსვლა

მიხეილ ჩხენკელის კანდიდატურა ერთ-ერთი ბრწყინვალეა განათლებისა და მეცნიერების სფეროში მინისტრის პოზიციისთვის, - ასე შეაფასა პარლამენტის განათლების, მეცნიერებისა და კულტურის კომიტეტის თავმჯდომარემ მარიამ ჯაშმა განათლებისა და მეცნიერების ახალი მინისტრი მიხეილ ჩხენკელი.

როგორც მარიამ ჯაშმა აღნიშნა, მიხეილ ჩხენკელს აქვს 20 წელზე მეტი პედაგოგიური და აკადემიური გამოცდილება.

„ის გახლავთ პენსილვანიის უნივერსიტეტის დოქტორანტი. მაქვს დიდი მოლოდინი, რომ ჩვენ მიხეილ ჩხენკელის მინისტრობის პერიოდში გვექნება მნიშვნელოვანი წინსვლა, ზუსტი მეცნიერებების დარგებში როგორც სკოლების, ასევე საუნივერსიტეტო დონეზე. ასევე მაქვს მოლოდინი, რომ მისი გამოცდილებიდან გამომდინარე, ჩვენ გვექნება მნიშვნელოვანი ფუნდამენტური ცვლილებები საუნივერსიტეტო და სამეცნიერო დარგების განვითარებისთვის. ჩვენ უკვე გვქონდა პირველი საუბარი. ვემზადებით უახლოეს დღეებში პირველი სამუშაო შეხვედრისთვის და იმედი მაქვს, რომ ისევ მჭიდრო კოორდინაციით ჩვენ შევათანხმებთ იმ ცვლილებებს, რომელიც საჭიროა განათლების რეფორმის წარმატებით გაგრძელებისა და სრულყოფისათვის“, - განაცხადა ჯაშმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა