კახა კუჭავა - გარემო მნიშვნელოვანია კომპონენტი და ამ მიმართულების დაკნინება ჩვენი ქვეყნისთვის იქნება ძალიან ცუდი ტონი

პარლამენტის გარემოს დაცვისა და ბუნებრივი რესურსების კომიტეტის თავმჯდომარე კახა კუჭავა მიიჩნევს, რომ გარემოს დაცვის სამინისტროს ცალკე უწყებად ყოფნა უკეთესი იქნებოდა, - ამის შესახებ „ინტერპრესნიუსს“ კახა კუჭავამ განუცხადა.

რაც შეეხება მის პოზიციას ზოგადად სტრუქტურულ ცვლილებებთან დაკავშირებით, კახა კუჭავას განცხადებით, ეს დამოკიდებულება ძალიან პოზიტიურია.

„ვთვლი, რომ ეს ძალიან საჭირო იყო და აღნიშნული ცვლილებები წაადგება იმ სამომავლო გეგმებს, რომლებსაც მთავრობა ატარებს. ასე რომ, მე მას მხარს ვუჭერ. ერთადერთი კითხვა სწორედ გარემოს დაცვასთან დაკავშირებით მრჩება, რადგანაც ამ შემთხვევაში ძალიან მნიშვნელოვანია ამ ორი სამინისტროს შერწყმის შედეგად პრიორიტეტი რომელ მიმართულებაზე გადავა. უნდა დაველოდოთ იმ კანონპროექტს, რომელიც ჩვენთან შემოვა. საინტერესოა, სტრუქტურული გადაადგილებები როგორ იქნება, როგორ იქნება გადანაწილებული მინისტრის და მოადგილეების პოზიციები და ა.შ. ამიტომ დაველოდები საბოლოო კანონპროექტს, სადაც დეტალურად იქნება ეს საკითხი ჩაშლილი, მაგრამ მიუხედავად ყველაფრისა, ახლავე შემიძლია განვაცხადო, რომ პრიორიტეტად უნდა დარჩეს გარემო, ეს არის ძალიან მნიშვნელოვანი კომპონენტი და ამ მიმართულების დაკნინება იქნება ძალიან ცუდი ტონი ჩვენი ქვეყნისთვის. თუ იმას გავითვალისწინებთ, როგორი ვალდებულება გვაქვს აღებული საერთაშორისო ასპარეზზე ძალიან ბევრი კონვენციითა და საერთაშირისო ოქმებით, რომელზეც ვართ მიერთებულები. ამიტომ ძალიან მნიშვნელოვანია, რომ ამ შერწყმის შედეგად გარემო დარჩეს პრიორიტეტულ მიმართულებად“, - განაცხადა კუჭავამ.

კახა კუჭავას განმარტებით, ის ისურვებდა, რომ გარემოს დაცვის სამინისტრო ცაკლე უწყება ყოფილიყო.

„ეს ჩემი პირადი აზრია. შეიძლება სუბიექტურია, რადგან გარემოს დაცვის კომიტეტის თავმჯდომარე ვარ, მაგრამ ვთვლი, რომ ეს ძალიან სტრატეგიული მიმართულებაა ქვეყნისთვის. გარემოს დაცვის კუთხით ქვეყანამ ცალკე სტრატეგია უნდა შეიმუშაოს. ჩემი აზრით, ცალკე რომ ყოფილიყო უკეთესი იქნებოდა“, - განაცხადა კუჭავამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა