გაერო-ს სურსათისა და სოფლის მეურნეობის ორგანიზაციის წარმომადგენელი სოფლის მეურნეობისა და გარემოს დაცვის სამინისტროების შერწყმას პოზიტიურად აფასებს

გაერო-ს სურსათისა და სოფლის მეურნეობის ორგანიზაციის (FAO) წარმომადგენელი საქართველოში მამუკა მესხი სოფლის მეურნეობისა და გარემოს დაცვის სამინისტროების შერწყმას პოზიტიურად აფასებს.

როგორც „ინტერპრესნიუსს“ მამუკა მესხმა განუცხადა, ერთიანი სამთავრობო სტრუქტურის შექმნა კიდევ ერთი წინგადადგმული ნაბიჯია მდგრადი განვითარების მიზნების მისაღწევად.

„ზოგადად, FAO-ს გააჩნია ერთიანი ხედვა, ასე ვთქვათ, ინტეგრირებული მიდგომა სოფლის მეურნეობის სექტორის განვითარებასა და ბუნებრივი რესურსების დაცვის მიმართ. ერთის მხრივ, ბუნებრივი რესურსების სწორად გამოყენება მეტად მნიშნელოვანია მდგრადი სოფლის მეურნეობის განვითარებისათვის. ბუნებრივი რესურსების დაცვა და კონსერვაცია ხელს უწყობს ბიომრავალფეროვნების შენარჩუნებას, რაც ასე მნიშვნელოვანია სექტორის მდგრადობისთვის.

მეორე მხრივ, გარემოსა და ბუნებრივი რესურსების დაცვა ერთ-ერთი უმნიშვნელოვანესი ფაქტორია არსებული ეკოსისტემების შენარჩუნება-განვითარებისათვის, რის გარეშეც შეუძლებელია მდგრადი სოფლის მეურნეობის განვითარება. შესაბამისად, ასეთი ინტეგრირებული მიდგომა საჭიროებს სახელმწიფო მართვის შესაბამისი მექანიზმების ეფექტურობას.

ამდენად, ჩვენ პოზიტიურად ვაფასებთ ერთიანი სამთავრობო სტრუქტურის შექმნას და მიგვაჩნია, რომ ეს კიდევ ერთი წინგადადგმული ნაბიჯია მდგრადი განვითარების მიზნების მიღწევისკენ“, - განაცხადა მამუკა მესხმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა