მინისტრთა კაბინეტს 6 მინისტრი ტოვებს

მთავრობაში დაგეგმილი საკადრო და სტრუქტურული ცვლილებების შედეგად, მინისტრთა კაბინეტს ჯამში 6 მინისტრი დაემშვიდობება. უფრო კონკრეტულად, მინისტრის პორტფელი დატოვა შინაგან საქმეთა მინისტრმა გიორგი მღებრიშვილმა, განათლების მინისტრმა ალექსანდრე ჯეჯელავამ, ენერგეტიკის მინისტრმა ილია ელოშვილმა, სპორტის მინისტრმა ტარიელ ხეჩიკაშვილმა, გარემოს დაცვის მინისტრმა გიგლა აგულაშვილმა, ასევე ევროინტეგრაციის საკითხებში სახელმწიფო მინისტრმა ვიქტორ დოლიძემ.

აღნიშნულიდან რამდენიმე უწყება გაერთიანდება. კერძოდ, უქმდება ენერგეტიკის სამინისტრო და ის ეკონომიკის სამინისტროს უერთდება. ამავე უწყებას შეერწყმება გარემოს დაცვის სამინისტროს ბუნებრივი რესურსების მართვის კომპონენტი. გაერთიანებულ უწყებას დიმიტრი ქუმსიშვილი უხელმძღვანელებს. რაც შეეხება გარემოს დაცვის სამინისტროს დანარჩენ ნაწილს, ის სოფლის მეურნეობის სამინისტროს დაექვემდებარება. სოფლის მეურნეობის მინისტრად ლევან დავითაშვილი რჩება.

შს მინისტრის თანამდებობაზე გიორგი მღებრიშვილი გიორგი გახარიამ შეცვალა. ერთ უწყებად ერთიანდება კულტურისა და სპორტისა და ახალგაზრდულ საქმეთა სამინისტროების სპორტის ნაწილი, რომელსაც მიხეილ გიორგაძე უხელმძღვანელებს. რაც შეეხება ახალგაზრდულ საქმეთა ნაწილს, ის განათლების სამინისტროში გადავა, რომელსაც ალექსანდრე ჯეჯელავას ნაცვლად თსუ-ს პრორექტორი მიხეილ ჩხენკელი ჩაიბარებს.

უქმდება ევროინტეგრაციის საკითხებში სახელმწიფო მინისტრის აპარატი და აღნიშნული მიმართულება საგარეო საქმეთა სამინისტროს უერთდება.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა