აჭარის მთავრობის თავმჯდომარემ და უმაღლესი საბჭოს წევრებმა სასტუმრო „ლეოგრანდში“ დაღუპულთა ხსოვნას პატივი მიაგეს

აჭარის მთავრობის თავმჯდომარემ ზურაბ პატარაძემ, უმაღლესი საბჭოს თავმჯდომარის მოადგილემ მერაბ კარანაძემ, უმაღლესი საბჭოს წევრებმა - ირაკლი ჭეიშვილმა, ვლადიმერ მგალობლიშვილმა, ხვიჩა შარაშიძემ, საკანონმდებლო ორგანოს აპარატის უფროსმა რამაზ ბოლქვაძემ, აპარატის წარმომადგენლებმა, ხელისუფლებისა და საზოგადოების წარმომადგენლებთან ერთად, ბათუმში, სასტუმრო „ლეოგრანდში“ დაღუპულთა ხსოვნას პატივი მიაგეს.

ამის შესახებ „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს.

უწყების ცნობით, მათ ყვავილები მიიტანეს სასტუმრო „ლეოგრანდის“ კიბეებზე, სადაც ტრაგედიის ღამიდან მოყოლებული მოქალაქეები მიდიან და სანთლებს ანთებენ.

დაღუპულთა ხსოვნის პატივსაცემად საქართველოს მთელ ტერიტორიაზე დაშვებულია სახელმწიფო დროშები. ღამის 12 საათზე სახელმწიფო დროშები დაეშვა აჭარის ავტონომიური რესპუბლიკის უმაღლესი საბჭოს, ყველა სამთავრობო და სამხედრო უწყების შენობებზე.

სასტუმრო „ლეოგრანდში“ 24 ნოემბერს გაჩენილ ხანძარს 11 ადამიანი ემსხვერპლა.

აჭარის ავტონომიური რესპუბლიკის უმაღლესი საბჭო მომხდარის გამო კიდევ ერთხელ ღრმა მწუხარებას გამოხატავს და უსამძიმრებს ტრაგედიის შედეგად დაღუპულთა ოჯახებს, სრულიად საქართველოს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)