ამერიკის შეერთებული შტატების ელჩი საქართველოში, იან კელი ბათუმში, სასტუმრო ”ლეოგრანდში” ხანძრის შედეგად გარდაცვლილთა ოჯახის წევრებს სამძიმარს უცხადებს. საელჩოს ”ფეიბუქის” გვერდზე გავრცელებულ განცხადებაში ელჩი მწუხარებას გამოთქვამს მომხდარის გამო და სამაშველო სამსახურის თანამშრომლებს, გაწეული საქმიანობისთვის მადლობას უხდის.

“შეერთებული შტატების საელჩოს სახელით მსურს, ღრმა მწუხარება გამოვთქვა ბათუმში ტრაგიკული შემთხვევის დროს დაღუპულთა გამო. ეს მართლაც ტრაგიკული შემთხვევა იყო, ბათუმი ერთ-ერთი გამორჩეული ადგილია ჩემთვის საქართველოში. ჩვენი ფიქრითა და ლოცვებით მსხვერპლთა ოჯახის გვერდით ვართ. ქედს ვიხრით მეხანძრეების წინაშე, რომლებმაც ამ ტრაგიკული შემთხვევისას არაერთი სიცოცხლე გადაარჩინეს”, - აღნიშნულია იან კელის განცხადებაში.