ტაძარში, სადაც ხანძრის შედეგად დაღუპულები არიან დასვენებული, სასტუმრო "ლეოგრანდის" მფლობელი მივიდა და ნათესავებს მიუსამძიმრა

ბათუმში, ღვთისმშობლის შობის სახელობის საკათედრო ტაძარში, სადაც ხანძრის შედეგად დაღუპულები არიან დასვენებული, სასტუმრო "ლეოგრანდის" მფლობელი ეროლ ევგორენი მივიდა და ნათესავებს მიუსამძიმრა.

ტაძარში ასევე იმყოფება აჭარის მთავრობის თავმჯდომარე ზურაბ პატარაძე, თავდაცვის მინისტრი ლევან იზორია და სხვა ოფიციალური პირები.

ამ წუთებში მიცვალებულთა სულის მოსახსენებელ პანაშვიდს ბათუმისა და ლაზეთის მიტროპოლიტი, მეუფე დიმიტრი ატარებს.

დაღუპულებს ტაძრიდან 15:00 საათზე გამოასვენებენ.

ბათუმში, სასტუმრო "ლეოგრანდში" ხანძარი 24 ნოემბერს, დაახლოებით 20:00 საათზე გაჩნდა. ძლიერი დაკვამლიანების გამო სასტუმროდან ათეულობით მოქალაქის ევაკუაცია განხორციელდა.

ხაძრის შედეგად 11 ადამიანი დაიღუპა, რომელთაგან 10 საქართველოს და 1 ირანის რესპუბლიკის მოქალაქეა, ჰოსპიტალიზებული იყო 21 ადამიანი.

მომხდარ ფაქტთან დაკავშირებით, გამოძიება საქართველოს სსკ-ს 243-ე მუხლის მე-3 ნაწილით მიმდინარეობს, რაც სახანძრო უსაფრთხოების წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა ან სხვა მძიმე შედეგი გამოიწვია.

სტეპან გრიგორიანი - თუ აზერბაიჯან-სომხეთს შორის ურთიერთობები დალაგდა, ევროპასთან ჩინეთის დამაკავშირებელი რკინიგზის პროექტში სომხეთი იქნება გათვალისწინებული, მანამდე კი ამ თემაზე საუბარი შეუძლებელია
ქართული პრესის მიმოხილვა 25.05.2023
ვახტანგ ძაბირაძე - ხელისუფლებას რუსეთის მიმართ კაპიტულაცია აქვს გამოცხადებული, ამისთვის შინაგანად მზაობის დასტურია ის განცხადებები, რასაც ხელისუფლებისგან ვისმენთ
PSP გილოცავთ საქართველოს დამოუკიდებლობის დღეს
სამი ამბავი, რის შემდეგაც „ნაცრისფერი“ iPhone-ის ყიდვას გადაიფიქრებთ
კარფურის ახალი კამპანია - „ქართული პროდუქტები“