ზურაბ პატარაძე სასტუმრო ”ლეოგრანდში” ხანძარზე - ვინც დამნაშავეა ამ ტრაგედიაში, კანონის სრული სიმკაცრით დაისჯება

საგამოძიებო მოქმედებები აქტიურ ფაზაშია გადასული, გამოძიება მიმდინარეობს, ვინც დამნაშავე არის ამ ტრაგედიაში, ვინც არის პასუხისმგებელი აუცილებლად დაისჯება კანონის სრული სიმკაცრით, - ამის შესახებ აჭარის ავტონომიური რესპუბლიკის მთავრობის თავმჯდომარე ზურაბ პატარაძემ ბათუმში, ღვთისმშობლის შობის სახელობის საკათედრო ტაძართან ჟურნალისტებს განუცხადა.

როგორც პატარაძემ აღნიშნა, სასტუმრო ”ლეოგრანდის” მფლობელებთან კომუნიკაცია პირადად არ ჰქონია, თუმცა იურისტები აქტიურად მუშაობენ. ზურაბ პატარაძის თქმით, სახანძრო უსაფრთხოების კუთხით რეგულაციები კიდევ უფრო გამკაცრდება.

„ძალიან მძიმე წუთებია ჩვენი ქალაქისთვის, ჩვენი ქვეყნისთვის. მინდა მიუსამძიმრო ოჯახის წევრებს, ახლობლებს და ქალაქელებს. უამრავი ხალხია შეკრებილი. დღეს მთელი ქვეყანა გლოვობს. მე მინდა გულწრფელად სამძიმარი ვუთხრა პირველ რიგში ჩვენს ქვეყანას და ჩვენს თითოეულ მოქალაქეს. საგამოძიებო მოქმედებები აქტიურ ფაზაშია გადასული. გამოძიება მიმდინარეობს, მაგრამ მკაფიოდ, ხაზგასმით მინდა ვთქვა, რომ ვინც დამნაშავე არის ამ ტრაგედიაში, ვინც არის პასუხისმგებელი, აუცილებლად დაისჯება კანონის სრული სიმკაცრით. ეს არის ჩვენი მესიჯი, ჩვენი სახელმწიფო მიდგომები და აუცილებლად გავაგრძელებთ მუშაობას ამ მიმართულებით. მე არ მინდა კონკრეტულ პირებზე ვისაუბრო, თუმცა ფაქტი მეტყველებს, რომ 11 ადამიანია გარდაცვლილი. სასტუმროს მეპატრონესთან მე პირადად კომუნიკაცია ჯერჯერობით არ მქონია. ადვოკატები ინტენსიურად მუშაობენ და ჩვენ ვაგრძელებთ მუშაობას. ძალიან ბევრი კითხვის ნიშანია და ამ კითხვებს სჭირდება პასუხი. აუცილებლად დამატებითი ზომები უნდა მივიღოთ, რომ გამკაცრდეს რეგულაციები”,- განაცხადა ზურაბ პატარაძემ.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის