მეტროსადგურ „ვარკეთილში“ დაზარალებული - არანაირი გამოხმაურება არ ყოფილა, ფეხზე თაბაშირი მომხსნეს, მჭირდება დიაგნოსტიკა და მკურნალობა

არანაირი გამოხმაურება და დაკავშირება არ ყოფილა, ფეხზე თაბაშირი მომხსნეს და მჭირდება კიდევ დიაგნოსტიკა, შემდგომ ამის მიხედვით მკურნალობა ან რეაბილიტაცია, - ამის შესახებ ჟურნალისტებს საკრებულოში ჩაშლილი სხდომის შემდეგ მეტროსადგურ „ვარკეთილში“ ჭერის ჩამონგრევის შედეგად ერთ-ერთმა დაზარალებულმა, ჟურნალისტმა გიორგი საკარულმა განუცხადა.

მისივე თქმით, დღევანდელ რიგგარეშე სხდომაზე მას იმედი ჰქონდა, რომ უმრავლესობის ნაწილი მაინც დაესწრებოდა. მას ასევე კითხვები აქვს მერიის წარმომადგენლებთანაც, რატომ არიდებენ პასუხისმგებლობას თავს და დაზარალებულებისთვის რა დონის დახმარებაზეა საუბარი.

გიორგი საკარულის თქმით, საჭიროების შემთხვევაში, მკურნალობის ან რეაბილიტაციის გასაგრძელებად იგი დაუკავშირდა ჯანდაცვის სამინისტროს, სადაც განუმარტეს, რომ გადაუდებელი დახმარებისთვის რაც საჭირო იყო, მას უკვე გაუკეთეს, შემდგომ, სავარაუდოდ, ყველაფერზე პასუხისმგებლობას მერია აიღებს.

„მერიის მხრიდან რეაგირება მხოლოდ ერთ-ერთ დაზარალებულზე, ჩვენს მიერ სტატიის დაწერის შემდეგ მოხდა. დამირეკეს სატრანსპორტო კომპანიიდან და მითხრეს, რომ ქვითრები უნდა წარვადგინო, გარკვეული პროცედურები უნდა გავიაროთ, რის შემდეგაც მერია ამ თანხას აანაზღაურებს“, - განაცხადა გიორგი საკარულმა.

იგი ითხოვს, რომ მერია დაინტერესდეს მათი პრობლემებით, მოხდეს ყველა იმ პირის პასუხისგებაში მიცემა, რომლებსაც წვლილი მიუძღვის მეტროსადგურში ე.წ. შეკიდული ჭერის ჩამონგრევაზე და მოხდეს მათი ხარჯების ანაზღაურება.

შეგახსენებთ, რომ მეტროსადგურ „ვარკეთილში“ ე.წ. შეკიდული ჭერის ჩამონგრევის შედეგად 14 ადამიანი დაშავდა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024