უკრაინული ოპოზიციური პარტიები მიხეილ სააკაშვილის ქვეყანაში დაბრუნებას მოითხოვენ

უკრაინული პოლიტიკური პარტიები საქართველოს ყოფილი პრეზიდენტის მიხეილ სააკაშვილის უკრაინაში დაბრუნებას მოითხოვენ. შესაბამისი განცხადება სააკაშვილის პარტია „ახალი ძალების“ „ფეისბუქის“ გვერდზე გამოქვეყნდა.

განცხადებას უერთდებიან: „დემოკრატიული ალიანსი“, „სამოქალაქო პოზიცია“, „სახალხო კონტროლი“, „უკრაინის ევროპული პარტია“, „ბატკივშინა“, „სამოპომიჩი“, „სვობოდა“ და „სამოქალაქო მოძრაობა ხვილია“.

მათი განცხადებით, ხელისუფლება ოპოზიციის ერთ-ერთ ლიდერს პოლიტიკურად გაუსწორდა, დაარღვია ადამიანის უფლებები და უკრაინის საერთაშორისო რეპუტაციას ჩრდილი მიაყენა.

„ამ დანაშაულის გამოძიება აუცილებლად უნდა მოხდეს. ყველა სახელმწიფო მოხელე, რომელმაც კანონი დაარღვია და საკუთარ უფლებამოსილებებს გადააჭარბა, განსასჯელთა სკამზე უნდა აღმოჩნდეს.

ხელისუფლებამ უნდა უზრუნველყოს მიხეილ სააკაშვილის უკრაინაში დაბრუნება, მისცეს მას უკრაინულ სასამართლოებში საკუთარი უფლებებისა და ღირსების დაცვის საშუალება, როგორც ამას უკრაინის კანონმდებლობისა და საერთაშორისო სამართლის ნორმები ითვალისწინებს“, - ნათქვამია პარტიების განცხადებაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს