მუსტაფა ემრე ჩაბუქის სასამართლო პროცესს ამერიკელი კონგრესმენები და არასამთავრობო ორგანიზაციების წარმომადგენლები ესწრებიან

საქალაქო სასამართლოში მუსტაფა ემრე ჩაბუქის ექსტრადირების საკითხის განხილვა განახლდა. სასამართლო პროცესს მუსტაფა ემრე ჩაბუქის მეუღლე, ასევე ამერიკელი კონგრესმენები და არასამთავრობო ორგანიზაციების წარმომადგენლები ესწრებიან.

სასამართლოზე განიხილება დემირელის სახელობის კერძო კოლეჯის მენეჯერის მუსტაფა ემრე ჩაბუქის ექსტრადირების საკითხი. სასამართლომ გადაწყვეტილება 24 თებერვლამდე უნდა მიიღოს, რადგან სწორედ მიმდინარე წლის 24 თებერვალს იწურება მუსტაფა ემრე ჩაბუქისათვის წინასაექსტრადაციო პატიმრობის ვადა.

დემირელის სახელობის კერძო კოლეჯის მენეჯერი მუსტაფა ემრე ჩაბუქი 2017 წლის 24 მაისს დააკავეს. მიზეზი თურქული მხარის მოთხოვნა იყო, რომელიც ამტკიცებს, რომ ჩაბუქი ფეთჰულა გიულენის ტერორისტული ორგანიზაციის საქმიანობას უწყობდა ხელს.