პროკურატურა თბილისის საქალაქო სასამართლოში შუამდგომლობით წარდგა და მოითხოვა, დემირელის სახელობის კერძო კოლეჯის მენეჯერი მუსტაფა ემრე ჩაბუქი 24 თებერვლამდე, ანუ საექსტრადაციო ვადის ამოწურვამდე 10 000-ლარიანი გირაოს საფუძველზე გათავისუფლდეს.

აღნიშნული შუამდგომლობის შემდეგ პროცესზე 10- წუთიანი შესვენება გამოცხადდა, რის შემდეგაც დაცვის მხარემ პროკურატურის აღნიშნულ შუამდგომლობაზე საკუთარი პოზიცია დააფიქსირა და განაცხადა, რომ მათ 10 000-ლარიანი გირაოს შეტანის ფინანსური საშუალება არ გააჩნიათ. დაცვის მხარე მუსტაფა ემრე ჩაბუქის დღესვე უპირობოდ გათავისუფლებას მოითხოვს.

მუსტაფა ემრე ჩაბუქს საექსტრადაციო პატიმრობის ვადა 24 თებერვალს ეწურება.