ფრაქცია “ქართული ოცნების“ ლიდერი მამუკა მდინარაძე მიიჩნევს, რომ დემირელის კოლეჯის მენეჯერის მუსტაფა ემრე ჩაბუქის პატიმრობიდან გათავისუფლება საქართველო-თურქეთის ურთიერთობაზე არ იმოქმედებს. მდინარაძის თქმით, ის როგორც ყოფილი უფლებადამცველი, ყოველთვის გათავისუფლების მომხრეა.

„მე, როგორც ყოფილი უფლებადამცველი, ზოგადად ყოველთვის გათავისუფლების მომხრე ვარ. რაც შეეხება ამ საკითხს, ეს არ იმოქმედებს ჩვენი მეზობლის, სტრატეგიული პარტნიორის და ჩვენს ურთიერთობაზე. ჩვენ გვაქვს უამრავი რესურსი და ჩვენი კავშირები, გამოცდილება, რაც იძლევა იმის საფუძველს, რომ ერთი კონკრეტული ქეისი ზეგავლენას მოახდენს რაიმე ურთიერთობაზე“, - განაცხადა მამუკა მდინარაძემ.

შეგახსენებთ, რომ მუსტაფა ემრე ჩაბუქი სასამართლომ 1000-ლარიანი გირაოთი გაათავისუფლა.