მიხეილ სააკაშვილი - მზად ვარ უკრაინაში ნებისმიერ დროს ჩავიდე და ნებისმიერ საქმეზე ჩვენება მივცე

საქართველოს ყოფილი პრეზიდენტი მიხეილ სააკაშვილი მზად არის ნებისმიერ დროს უკრაინაში ჩავიდეს, რათა ჩვენება მისცეს ქართველ სნაიპერებზე დოკუმენტური ფილმის შესახებ.

ამის შესახებ მიხეილ სააკაშვილმა ტელეარხ NEWSONE-სთვის მიცემულ ინტერვიუში განაცხადა.

„მე ნებისმიერ დროს შემიძლია უკრაინაში დავბრუნდე და ამ და ნებისმიერ სხვა პროცესზე ჩვენება მივცე. დაინტერესებული რომ იყვნენ ამაში, რომ მე ჩვენება მიმეცა, არ უნდა გაეკეთებინათ ის, რაც გააკეთეს, როდესაც პოლონეთში გამაძევეს“, - განაცხადა მიხეილ სააკაშვილმა.

მისი თქმით, 2014 წელს ის მაიდანზე იყო, ვიდრე იანუკოვიჩმა არ აიძულა უკრაინა დაეტოვებინა.

„კიდევ ერთხელ განვმეორდები, რომ ნებისმიერ დროს მზად ვარ უკრაინაში დავბრუნდე და ნებისმიერ საქმეზე ახსნა-განმარტება მივაწოდო პროკურორებს“, - აღნიშნა მან.

აღსანიშნავია, რომ საუბარია დოკუმენტურ ფილმზე, რომელშიც ნათქვამი იყო, რომ მაიდანის მოვლენებში ქართველი სნაიპერები იღებდნენ მონაწილეობას.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს