უკრაინის უზენაეს სასამართლოში სააკაშვილისთვის მოქალაქეობის ჩამორთმევის საქმის განხილვა განახლდა

უკრაინის უზენაეს სასამართლოში საქართველოს ყოფილი პრეზიდენტის მიხეილ სააკაშვილისთვის უკრაინის მოქალაქეობის ჩამორთმევის საქმის განხილვა განახლდა. ამის შესახებ „რია ნოვოსტის“ კორესპონდენტი იუწყება.

დარბაზში იმყოფებიან სააკაშვილის ადვოკატები. ასევე უკრაინის პრეზიდენტის ადმინისტრაციის წარმომადგენელი, რომელიც აღნიშნულ საქმეზე მოპასუხის სტატუსით იმყოფება.

„გრძელდება საქმის განხილვა, რომლის ფარგლებშიც განიხილება სააკაშვილის სარჩელი პეტრო პოროშენკოს წინააღმდეგ მოქალაქეობის ჩამორთმევის შესახებ მისი ბრძანების გაუქმების თაობაზე“, - განაცხადა მოსამართლე რაისა ხანოვამ.