საბავშვო ბაღების ავტორიზაციის წესი და კონტროლის განხორციელების სტანდარტები სავარაუდოდ, აპრილის ბოლოს დამტკიცდება

მთავრობა სკოლამდელი აღზრდის დაწესებულების ავტორიზაციის წესსა და კონტროლის განხორციელების სტანდარტებს სავარაუდოდ, აპრილის ბოლოს დაამტკიცებს, - ამის შესახებ „ინტერპრესნიუსს მთავრობის ადმინისტრაციაში განუცხადეს.

მათი ინფორმაციით, ამ ეტაპზე სკოლამდელი აღზრდის დაწესებულების ავტორიზაციის წესის და კონტროლის განხორციელების სტანდარტების შემუშავების პროცესი მიმდინარეობს, რომელიც საქართველოს მთავრობის ადმინისტრაციის ადამიანის უფლებათა დაცვის სამდივნოს კოორდინირებით და გაერო-ს ბავშვთა ფონდის ტექნიკური მხარდაჭერით ხორციელდება.

როგორც მთავრობის ადმინისტრაციაში განმარტავენ, ასევე შემუშავების პროცესშია ავტორიზაციის წესის 2 დანართი - ავტორიზაციის პროცესში გამოსაყენებელი თვითშეფასების კითხვარი და ავტორიზაციის პროცესში ჩართული ექსპერტების შერჩევის, საქმიანობის და უფლებამოსილების შეწყვეტის წესი.

მათივე ინფორმაციით, აღნიშნული კანონქვემდებარე აქტების დამტკიცება წარმოადგენს საქართველოს მთავრობის ვალდებულებას, რომელიც „ადრეული და სკოლამდელი აღზრდისა და განათლების შესახებ“ საქართველოს კანონიდან გამომდინარეობს.

აღნიშნულ დოკუმენტებზე მუშაობა, სავარაუდოდ აპრილში დასრულდება, რის შემდეგაც მათ საქართველოს მთავრობა დაამტკიცებს.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება