ჯანდაცვის მინისტრი ამ წუთებში თელავის რეფერალურ საავადმყოფოში იმყოფება. დავით სერგეენკო დაშავებულების ჯანმრთელობის მდგომარეობაზე ინფორმაციას პირადად კლინიკის დირექტორისგან იღებს, თუმცა მას მედიასთან ამ ეტაპზე კომენტარი არ გაუკეთებია. აქვე იმყოფებიან, რეგიონული განვითარებისა და ინფრასტრუქტურის მინისტრი მაია ცქიტიშვილი და განათლების მინსიტრის მოადგილე ლია გიგაური.

ჯანდაცვის სამინისტროს ინფორმაციით, თელავის რეფერალურ ჰოსპიტალში გომბორში მომხდარი ავარიის დროს დაშავებული 21 პაციენტია მოთავსებული, მათგან 12 ბავშვია.