მინდელის შახტში დაშავებული ორი მეშახტის მდგომარეობა კვლავ მძიმეა

შახტში დაშავებული ორი მეშახტის მდგომარეობა კვლავ მძიმეა. როგორც „ინტერპრესნიუსს“ დამწვრობის ცენტრის ხელმძღვანელმა გუგა ქაშიბაძემ განუცხადა, შედარებით მსუბუქია დამწვრობის ცენტრში მყოფი კიდეც ორი დაშავებულის ჯანმრთელობის მდგომარეობა.

„ორი მათგანი კვლავ რჩება დამწვრობის ცენტრის რეანიმაციულ განყოფილებაში. ორი პაციენტი კი სხვადასხვა განყოფილებებშია მოთავსებული. ის პაციენტები რომლებიც განყოფილებებში არიან, მათი მდგომარეობა შედარებით მსუბუქია, გამოკვლევების და მკურნალობის შემდეგ რამდენიმე დღეში გაიწერებიან კლინიკიდან.

რაც შეეხება პაციენტებს, რომლებიც რეანიმაციულ განყოფილებაში არიან, მათ სერიოზული მკურნალობა დასჭირდებათ. ერთ პირს აქვს 50%-იანი დამწვრობა, ხოლო მეორეს 25%-იანი. ხვალისთვის არის დაგეგმილი ოპერაცია“, - განაცხადა გუგა ქაშიბაძემ.

გუშინ, ტყიბულში, მინდელის შახტის ერთ-ერთ გვირაბში აფეთქების შედეგად, 4 ადამიანი დაიღუპა და 6 დაშავდა, აქედან 4 დაშავებული ამჟამად დამწვრობის ცენტრში მკურნალობს.

შსს-ს ცნობით, შახტის გვირაბში, სავარაუდოდ, მეთანის აფეთქების შედეგად კედლების დეფორმაციას ჭერის ჩამოშლა მოჰყვა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?