ადვოკატის ინფორმაციით, დაკავებული გიორგი ჭანტურიას ოჯახის წევრებს და მოწმეებს სამართალდამცავი ორგანოები პირადი ცხოვრების ამსახველი მასალების გავრცელებით ემუქრებიან

გენერალ სამსონ ქუთათელაძის მკვლელობის საქმეზე დაკავებული გიორგი ჭანტურიას ოჯახი და დაცვის მხარე სახელმწიფო უწყებებს შანტაჟში ადანაშაულებს. როგორც დღეს გამართულ ბრიფინგზე გიორგი ჭანტურიას ადვოკატმა ანა კეკენაძემ განაცხადა, შინაგან საქმეთა სამინისტროსა და პროკურატურის წარმომადგენლები ჭანტურიების ოჯახსა და მათ გარემოცვას, პირადი ცხოვრების ამსახველი მასალების გავრცელებით ემუქრებიან და ამ გზით ბრალდებულის წინააღმდეგ ჩვენებების მიცემას აიძულებენ.

კეკენაძის განცხადებით, ამასთან დაკავშირებით, მათ სხვადასხვა უწყებებსა და სახალხო დამცველს უკვე მიმართეს.

„ჩემი, როგორც ადვოკატის მაკომპრომეტირებელ ამბებს ავრცელებენ. ასევე, დაიბარეს გიორგის და მარიამი და გიორგის მეუღლე. მათ ემუქრებიან, რომ გაავრცელებენ მათი მეუღლეების პირადი ცხოვრების ამსახველ მასალებს. მოწმეებზე ხდება ზეწოლა და ამ გზით ცდილობენ გიორგის საწინააღმდეგო ჩვენება მისცენ ამოღებულ იარაღთან დაკავშირებით. ჩვენ ვიცით, რომ მოწმეებზე ხორციელდება ზეწოლა და კონკრეტული ფაქტები გვაქვს.

შინაგან საქმეთა სამინისტრო და საქართველოს პროკურატურა ყოველგვარ ზღვარს არის გადასული, ისინი აშანტაჟებენ მოწმეებს და პირებს, რომლებიც გარკვეულ შემხებლობაში არიან აღნიშნულ საქმესთან. თუკი ისინი არ მისცემენ გიორგი ჭანტურიას საწინააღმდეგო ჩვენებებს, ასეთ შემთხვევაში, მათ პირადი ცხოვრების ამსახველი კადრებისა და ჩანაწერების გავრცელებით ემუქრებიან.

მოვუწოდებთ შსს-ს, პროკურატურას და სუს-ს, შეწყვიტონ რასაც აკეთებენ“, - დასძინა ანა კეკენაძემ.

შინაგან საქმეთა სამინისტრომ გენერალ სამსონ ქუთათელაძის მკვლელობის საქმე გახსნა. უწყების ინფორმაციით, გიორგი ჭანტურია განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს.

გიორგი ჭანტურიას რუსთავის საქალაქო სასამართლომ აღკვეთის ღონისძიების სახით პატიმრობა შეუფარდა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს