ადვოკატი - ექსპერტიზის პასუხების თანახმად, გიორგი ჭანტურიას არანაირი შემხებლობა არ აქვს გარდაცვლილ სამსონ ქუთათელაძესთან

ექსპერტიზის პასუხები მოვიდა, სადაც ნათლად არის დაფიქსირებული, რომ გიორგი ჭანტურიას არანაირი შემხებლობა არ აქვს გარდაცვლილ სამსონ ქუთათელაძესთან, - ამის შესახებ „ინტერპრესნიუსს“ სამსონ ქუთათელაძის მკვლელობაში ბრალდებულ გიორგი ჭანტურიას ადვოკატმა ლექსო კობაიძემ განუცხადა.

ლექსო კობაიძის მტკიცებით, სწორედ იმის გამო, რომ საქმეში ბრალდებულის წინააღმდეგ გამოძიებას არანაირი მტკიცებულებები არ გააჩნია, ხდება მოწმეებზე ზეწოლა.

„ექსპერტიზის პასუხებით, ნათლად არის დაფიქსირებული, რომ გიორგი ჭანტურიას არანაირი შემხებლობა არ აქვს გარდაცვლილ ქუთათელაძესთან. კერძოდ, გიორგი ჭანტურიას ტანსაცმელზე დენთის კვალი ან სხვა ბიოლოგიური მასა არ აღმოჩნდა.

იმის გამო, რომ გამოძიებას არანაირი მტკიცებულება არ გააჩნია, ცდილობენ მოწმეებით გაამყარონ საქმე, რომლებიც არანაირ შემხებლობაში არ არიან. საქმეში ისეთ მოწმეს „გვიგდებენ“, რომელიც არ ფლობს რეალურ ინფორმაციას. ასეთი გახლავთ ზურაბ დოლიძე. მას ათქმევინებენ, რომ ინფორმაცია ჰქონდა, რომ ამ იარაღს ფლობდა გიორგი ჭანტურია. ჩვენ, რა თქმა უნდა, ამას გავაპროტესტებთ“, - განაცხადა ადვოკატმა.

საქმეზე სასამართლო პროცესი 26 სექტემბერს არის დანიშნული.

რუსთავში, ე.წ. სტამბოლის ბაზრის დირექტორი, ყოფილი დეპუტატი გენერალი სამსონ ქუთათელაძე 15 იანვარს საკუთარ სამუშაო კაბინეტში მოკლეს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია