ამ ხელისუფლების ადგილი არის მატროსოვის ციხეში, გთხოვთ ყველა შვილმკვდარ დედას, დაგვიდგეთ გვერდით, - ასე მიმართა პარლამენტის შენობის წინ მიმდინარე აქციის მონაწილეებს პანკისის ხეობაში გარდაცვლილი თემირლან მაჩალიკაშვილის დედამ მედეა მარგოშვილმა. მან მისი შვილის მკვლელის დაფარვაში სახელმწიფო უსაფრთხოების სამსახურის ხელმძღვანელი დაადანაშაულა.

აქციაზე ასევე იმყოფებიან პანკისის ხეობის მცხოვრებლები, რომლებიც სრულ მხარდაჭერას უცხადებენ მაჩალიკაშვილის ოჯახს და აცხადებენ, რომ ისინი აქციების მიმდინარეობისას პარლამენტის შენობის მიმდებარე ტერიტორიის დატოვებას არ აპირებენ.