ხელისუფლება საერთოდ არ არის, სათავეში არიან მხეცები, სისხლისმსმელები, - ამის შესახებ პანკისის ხეობაში ჩატარებული სპეცოპერაციისას მოკლული თემირლან მაჩალიკაშვილის მამამ მალხაზ მაჩალიკაშვილმა რუსთაველის გამზირზე მიმდინარე აქციაზე განაცხადა, სადაც აქციის მონაწილეებსა და პოლიციის თანამშრომლებს შორის დაპირისპირება მოხდა. საპატრულო პოლიციის წარმომადგენლებმა აქციის მონაწილეებს კარვის გაშლის შესაძლებლობა არ მისცეს.

„ხომ ხედავთ, 24 საათი გავიდა, როგორ შეტევაზე წამოვიდნენ. ეს არის ამ მხეცური ხელისუფლების პასუხი. სად არის ხელისუფლება?! არ არის! არ არის საერთოდ ხელისუფლება, სათავეში არიან მხეცები, სისხლისმსმელები, ნაძირლები. ჩვენ აქ ვართ მგელი ხალხი, მგელს კარავში არასდროს სძინებია. ჩვენ წვიმაშიც ვიქნებით და ბოლომდე ვიდგებით აქ! კარავი არაფერს ნიშნავს“, - განაცხადა მალხაზ მაჩალიკაშვილმა.