ადვოკატები ვანო მერაბიშვილის მკურნალობის პროცესში უცხოელი ექიმების ჩართვას ითხოვენ

შს ყოფილი მინისტრის, ვანო მერაბიშვილის ადვოკატის ინფორმაციით, "მედიქლაბ ჯორჯიაში" შეკრებილმა სამედიცინო კონსილიუმმაც ვერ დაადგინა, რა მიზეზით განუვითარდა მას ჰორნერის სინდრომი. ადვოკატის ინფორმაციით, კონსილიუმის დასკვნაში პირდაპირ წერია, რომ სინდრომის გამომწვევი მიზეზი დაუდგენელია. ამასთან, ადვოკატი ამბობს, რომ დღეის მდგომარეობით, მერაბიშვილს არავითარი მკურნალობა არ უტარდება.

"დაგვიანებით, მაგრამ გადმოგვეცა „მედიქლაბში“ ჩატარებული კონსილიუმის დასკვნა, სადაც სამწუხაროდ, ვკითხულობთ, რომ ივანე მერაბიშვილს დაუდგინდა იდიოპათიური ჰორნერის სინდრომი, რაც პირდაპირ ნიშნავს იმას, რომ დაუდგენელია ამ სინდრომის გამომწვევი მიზეზი. ამ კონკრეტულ მოცემულობაში ყოფილი პრემიერ-მინისტრის, ივანე მერაბიშვილის მიმართ არანაირი მკურნალობა არ მიმდინარეობს, არ არის დადგენილი, რისგანაა გამოწვეული ჰორნერის სინდრომი, რომელიც მთელი ცხოვრება შეიძლება ჰქონდეს ფიზიკური დაზიანების თვალსაზრისით სახეზე გამოხატული. სასჯელაღსრულების დაწესებულება ვალდებული იყო ემკურნალა ვანო მერაბიშვილისთვის და თუ ის ამას ვერ ახერხებს, ასეთ შემთხვევაში ვითხოვთ, რომ ჩვენ მოგვეცეს შესაძლებლობა, ჩამოვიყვანოთ უცხოელი ექიმები და მოხდეს მისი კონსულტირება ამ ადამიანების მიერ", - განაცხადა მერაბიშვილის ადვოკატმა გიორგი ჩივიაშვილმა.

მისივე თქმით, ცინიკური დამოკიდებულებაა იუსტიციის მინისტრის განცხადება, როდესაც ამბობს, რომ "ექიმების მიმართ კორექტულები უნდა ვიყოთ“.

"ცინიკურია დამოკიდებულება ქალბატონი იუსტიციის მინისტრის, როდესაც ამბობს, რომ ჩვენ უნდა ვიყოთ კორექტულები და პატივი უნდა ვცეთ ექიმების კვალიფიციურ დასკვნას. ჩვენ პატივს ვცემთ ექიმებს, რომლებიც მონაწილეობდნენ ამ პროცესში, მაგრამ ვერანაირად ვერ გავიზიარებთ იმ მოსაზრებას, რომ იდიოპათიური ჰორნერის სინდრომი, ანუ ის, რომ არაფერი არ დადგინდა, მივიღოთ მოცემულობად და არაფერი გავაკეთოთ იმისთვის, რომ მერაბიშვილს ვუმკურნალოთ", - აღნიშნა ჩივიაშვილმა.

მერაბიშვილის ადვოკატის თქმით, მათ აქვთ კომუნიკაცია უცხოელ სპეციალისტებთან და უახლოეს პერიოდში აპირებენ მათ ჩამოყვანას საქართველოში, რათა მერაბიშვილს დიაგნოზი დაესვას.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)