ირაკლი კობახიძე - სალომე ზურაბიშვილმა დააფიქსირა პრინციპული პოზიცია, რომ არ იყო მიზანშეწონილი კანაფის კულტივაციის შესახებ კანონპროექტის გაწვევის გადაწყვეტილების გადავადება

სალომე ზურაბიშვილმა გუშინ დააფიქსირა პრინციპული პოზიცია, რომ საზოგადოების განწყობიდან გამომდინარე, არ იყო მიზანშეწონილი კანაფის კულტივაციის შესახებ კანონპროექტის გაწვევის გადაწყვეტილების მიღების გადავადება, - ამის შესახებ პარლამენტის თავმჯდომარემ ირაკლი კობახიძემ საპატრიარქოდან გამოსვლის შემდეგ ჟურნალისტებს განუცხადა.

კობახიძემ აღნიშნა, რომ კანაფის კულტივაციის კანონპროექტის გაწვევის შესახებ გადაწყვეტილება მთავრობის სხდომაზე გაფორმდება.

„მადლობა მინდა გადავუხადო პატრიარქს და სინოდის წევრებს. ჩვენ ამ საკითხზე მსჯელობა გვქონდა გუნდში და უმრავლესობის შეხვედრაზე გუშინ, რომელსაც ესწრებოდა პრეზიდენტობის კანდიდატი სალომე ზურაბიშვილი. ჩვენ მივიღეთ გადაწყვეტილება, რომ მოხდება კანონპროექტის გაწვევა. გუნდის შიგნით იყო განსხვავებული პოზიციები. ჩვენ განვაცხადეთ იმთავითვე, რომ ნებისმიერი გადაწყვეტილება იქნება ფართო კონსენსუსის საფუძველზე, ეკლესიასთან შეთანხმებული. ეს პირობა შევასრულეთ.

საუბარი იყო ვადებზე, თუმცა სალომე ზურაბიშვილმა გუშინ დააფიქსირა პრინციპული პოზიცია, რომ საზოგადოების განწყობიდან გამომდინარე, არ იყო მიზანშეწონილი ამ გადაწყვეტილების მიღების გადავადება. შესაბამისად, ჩვენ მივიღეთ ახლავე ეს გადაწყვეტილება. რა თქმა უნდა ჩვენ გავითვალისწინეთ ეკლესიის და სხვა კონფესიების პოზიცია და ზოგადად საზოგადოების განწყობა.

ეს გადაწყვეტილება გაფორმდება მთავრობის სხდომაზე, თუმცა ტექნიკურად დღეს ვერ მოესწრება", - განაცხადა კობახიძემ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)