„ქართული ოცნების" დეპუტატი მირიან წიკლაური აცხადებს, რომ პარლამენტიდან კანაფის კულტივაციის კანონპროექტის გაწვევა საპრეზიდენტო არჩევნების მეორე ტურზე დადებით გავლენას მოახდენს. როგორც წიკლაურმა "ქართული ოცნების" ოფისთან ჟურნალისტებს განუცხადა, საზოგადოების დაკვეთაა, აღნიშნული კანონპროექტის გაწვევა, რაც ხელისუფლებამ უნდა გაითვალისწინოს.

„კანაფის კულტივაცის კანონპროექტის გაწვევა არჩევნებზე პოზიტიურ გავლენას აუცილებლად იქონიებს. ეს არის საზოგადოების მოთხოვნა, დაკვეთა და კარგია, როდესაც ხელისუფლება საზოგადოების მოთხოვნას ითვალისწინებს, გადაწყვეტილებას იღებს ისე, როგორც ამას მისი ამომრჩეველი მოითხოვს", - განაცხადა წიკლაურმა.

დეპუტატი მიიჩნევს, რომ კანონპროექტის გაწვევით არჩევნების მეორე ტურამდე მმართველი პარტიის ამომრჩეველთა რიცხვი გაიზრდება.

„ვფიქრობ, რომ ეს ნამდვილად გაზრდის „ქართული ოცნების" რეიტინგს",- განაცხადა წიკლაურმა.