გედევან ფოფხაძე - გამოვრიცხავ, რომ არჩევნების შემდეგ ხელახლა მოხდება მარიხუანას კანონპროექტის რეგისტრაცია

გამოვრიცხავ, რომ არჩევნების შემდეგ ხელახლა მოხდება მარიხუანას კანონპროექტის რეგისტრაცია, - ამის შესახებ უმრავლესობის დეპუტატმა გედევან ფოფხაძემ ჟურნალისტებს „ქართული ოცნების“ ოფისთან განუცხადა. გედევან ფოფხაძე მიესალმება გადაწყვეტილებას, რომლის თანახმადაც, კანაფის კონტროლის შესახებ საკანონმდებლო პაკეტი პარლამენტიდან იქნება გაწვეული.

მისი თქმით, საზოგადოება, თუ რაღაცას არ ეთანხმება და მის მიმართ აქვს მიუღებლობა, ასეთ ინიციატივებს სახელმწიფო ხისტად არ უნდა უჭერდეს მხარს, შესაბამისად, კანონპროექტის გაწვევის შესახებ მიღებული გადაწყვეტილება სწორია.

„მე, არაერთხელ გავუსვი ხაზი, რომ ეს არ არის ის იდეა, რომელიც მისაღებია საზოგადოებისთვის. შესაბამისად, მგონია, რომ ის საბოლოო გადაწყვეტილება რაც იყო მიღებული, რომ ეს საკითხი დასრულდა და დაესვა წერტილი, არის სწორი. თუნდაც, ეს დაკავშირებული იყოს საარჩევნო კონიუნქტურასთან და საზოგადოების განწყობასთან, ეს გადაწყვეტილება არის სწორი. აქედან გამომდინარე, მგონია, რომ ამ გადაწყვეტილებას საზოგადოებაც ადეკვატურად დააფასებს. ამიტომ, ყველანაირად მივესალმები თვითონ გადაწყვეტილებას და იმასაც, რომ ხელისუფლებას აქვს უნარი შევიდეს დისკუსიაში და დათმოს რაღაც პოზიციები. ეს დემოკრატიის მაჩვენებელია. გამოვრიცხავ, რომ არჩევნების შემდეგ ხელახლა მოხდება მარიხუანას კანონპროექტის რეგისტრაცია. ამასთან დაკავშირებით მაქვს პრინციპული პოზიცია. თავიდანვე მქონდა დაფიქსირებული, რომ ჩემთვის ეს საკითხი მიუღებელი იყო. ყოველთვის ვამბობდი, რომ ეს საკითხი პარლამენტში ვერ გავა“, - განაცხადა ფოფხაძემ.

ლადო პაპავა - მოსახლეობა პოზიტიური დღის წესრიგის მოლოდინშია
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ