ადვოკატი - ვანო მერაბიშვილი დამატებითი კვლევების ჩატარებას საჭიროებს, რათა მისი დიაგნოზის დასმა და მკურნალობა მოხდეს

ვანო მერაბიშვილი დამატებითი კვლევების ჩატარებას საჭიროებს, რათა მისი დიაგნოზის დასმა და მკურნალობა მოხდეს, - აღნიშნულის შესახებ დღეს გამართულ პრესკონფერენციაზე მერაბიშვილის ადვოკატმა, გიორგი ჩივიაშვილმა განაცხადა.

„მერაბიშვილის ჯანმრთელობის მდგომარეობა არ გაუმჯობესებულა, უფრო მეტიც, მას ვერ დაუსვეს დიაგნოზი, თუ რითია გამოწვეული მისი ჯანმრთელობის მდგომარეობის გაუარესება. შესაბამისად, არც მიმდინარეობს მკურნალობა. ოჯახის მიერ, უცხოელ ექსპერტებთან და ექიმებთან იქნა კონსულტაციები გავლილი, სადაც აღმოჩნდა, რომ პენიტენციურ დაწესებულებას ან გამორჩა, ან ვერ გადმოგვცა ისეთი კვლევა, როგორიცაა ერითროციტების დალექვა, ე.წ. როე. ანალიზის კვლევებში მითითებული არ არის, რომ ეს ჩატარებულია. ასევე არ არის მითითებული, ტყვიის შემცველობის განსაზღვრა სისხლში, რაც მნიშვნელოვანია, როცა საუბარია მოწამვლასთან დაკავშირებით. მიგვაჩნია, რომ აღნიშნული კვლევები უნდა ჩაუტარდეს დამატებით, რაც შეიძლება სწრაფად. ასევე უნდა ჩატარდეს ბაქტეოროლოგიური კვლევები. ასევე უნდა ჩატარდეს მის საკანში არსებულ ნივთებზე, კედლებზე აღებულ ნიმუშებზე კვლევა, ვინაიდან შეიძლება ეს ბაქტერია იყოს იმ პირობებში, სადაც ის დღეს ცხოვრობს. აღნიშნული კვლევის ჩატარება შესაძლებელია ლუგარის სამედიცინო კვლევით ცენტრში, რომელიც ჯანდაცვის სამინისტროს დაქვემდებარებაშია და არის უნიკალური ბაქტეოროლოგიური კვლევებისთვის. ან ჩატარდეს სადმე სხვაგან, სადაც თავად ისინი ჩათვლიან სწორად", - აცხადებს ჩივიაშვილი.

როგორც ის განმარტავს, ასოცირების ხელშეკრულებასთან დაკავშირებით ევროპარლამენტის მიერ მიღებულ რეზოლუციაში მერაბიშვილის მიმართ მე-18 მუხლის დარღვევის შესახებ ჩაიწერა.

„უახლოესი დღეების წინ, როცა ასოცირების ხელშეკრულებასთან დაკავშირებით ევროპარლამენტმა რეზოლუცია მიიღო, იქ ჩაიწერა მერაბიშვილის საქმესთან დაკავშირებით, რომ მის მიმართ დადგენილია სტრასბურგის სასამართლოს მიერ მე-18 მუხლის დარღვევა. იქვე არის განმარტება გაკეთებული, რომ მისი დაკავება გამომდინარეობდა ფარული მიზნებიდან, რაც იმას ნიშნავს, რომ პრაქტიკულად ამ რეზოლუციით კიდევ ერთხელ დადასტურდა, რომ ივანე მერაბიშვილი არის პოლიტიკური პატიმარი", - დასძენს ჩივიაშვილი.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)