სანდრა რულოვსი - გვირგვინი მოვიტანე, რომელზეც აწერია: „მიშასგან ჩემს ძმას და თანამებრძოლს, ნიკას“ - ცუდია, რომ თავად აქ არ არის
საქართველოს მესამე პრეზიდენტის მიხეილ სააკაშვილის მეუღლემ სანდრა რულოვსმა ნიკა რურუას ოჯახს მიუსამძიმრა.
სანდრა რულოვსის თქმით, ნიკა რურუა ძალიან დააკლდება პირადად მას, როგორც მეგობარი და თანამებრძოლი. ამასთან, სანდრა რულოვსის თქმით, მან სამძიმარზე მიხეილ სააკაშვილისგან ყვავილების თაიგულიც მიიტანა.
„ძალიან დაგვაკლდება როგორც მეგობარი, როგორც თანებრძოლი, დაგვაკლდება პოლიტიკაშიც და ხელოვნებაშიც. მიშასგან გვირგვინი მოვიტანე, რომელზეც აწერია: „მიშასგან ჩემს ძმას და თანამებრძოლს, ნიკას“. ცუდია, რომ თავად აქ არ არის, რათა ბოლო გზაზე გააცილოს“, - განაცხადა სანდრა რულოვსმა.
ნიკა რურუა 50 წლის ასაკში გუშინ, საკუთარ სახლში გარდაიცვლა. გარდაცვალების ერთ-ერთ მიზეზად გულის შეტევა სახელდება.
